Budan portal qyzmetkerleri aitys sahnasynda arqalanyp alyp aýyzdaryna túsken sózdi aitqan ekeýdiń bul «aqyndyǵy» qazaq-qyrǵyz qarym-qatynasyna syzat túsirip, ultaralyq renish, ókpe týdyrýy múmkin aityp Qyrǵyzstannyń Qazaqstandaǵy Tótenshe jáne Ókiletti elshiligine habarlasypty. Óz kezeginde Qyrǵyz Respýblikasynyń Qazaqstandaǵy elshiliginiń birinshi hatshysy, Sholpanai Ábdisamatqyzy Adjimatova jaýap berdi. Aldymen diplomattar "Abai.kz" aqparattyq portalynda jariialanǵan "Qyrǵyz aqyndary qazaqty qyryna aldy. Nege?" atty maqalamen tanysyp shyǵyp, elshiliktiń birinshi hatshysy Sholpanai Ábdisamatqyzy "Abai.kz" portalyna qyrǵyzstandyq eki aqynnyń daý shaqyrǵan dańǵaza áreketine qatysty pikir bildirdi.
– Men "Abai.kz" aqparattyq portalynda jariialanǵan maqalamen jáne onda kórsetilgen beine jazbamen tanysyp shyqtym. Shyntýaityna kelgende qatty uialyp otyrmyn. Baýyrlas eki eldiń tynyshtyǵyn buzatyndai aýyr sózder aitylǵan eken. Sol úshin Qyrǵyz Respýblikasy jáne qyrǵyz halqy atynan qazaq halqynan keshirim suraimyn. Ózderińiz de maqalada aitqandai, eki aqynnyń sózi kúlli qyrǵyz halqynyń sózi emes, árine. Men jáne bir márte qazaq halqynan osy bir jáit úshin keshirim suraimyn, – dedi Qyrǵyz elshiliginiń ókili.
Sondai-aq, Sholpanai Ábdisamatqyzynyń aitýynsha, Aaly Týtkychev bastap, Azamat Bolǵonbaev qoshtaǵan qyrǵyz aqyndaryna resmi túrde Qyrǵyzstan Úkimeti tarapynan shara qoldanylatyn boldy.
– Biz birinshi kezekte bul eki aqynnyń aitysta aitqan sózderin keltire otyryp, Qyrǵyz Respýblikasynyń Mádeniet ministrligine jáne Syrtqy ister ministrligine hat jazamyz. Ol jaqtan resmi jaýap kelgende eki aqynǵa qatysty qandai shara qoldanylatynyn aitatyn bolamyz. Al ázirge men naqty qandai shara qoldanylatynyn bilmeimin. Biraq, qandai da bir reaktsiia bolatyny sózsiz. Aiypqa buiyrmańyzdar, sizderden taǵy da keshirim suraimyn, – dedi elshilik ókili.
Osy rette aita keteiik, biz qyrǵyz aqyny Azamat Bolǵonbaevqa da habarlasqan edik. Azmattyń tarapynan esh jaýap bolmady. Tipti, "vatsap" jelisi arqyly suraǵymyzdy joldap, suhbatqa shaqyrdyq. Bul áreketimiz de nátijesiz qaldy.
"Eldestirmek – elshiden, daýlastyrmaq – daýshydan" demekshi, biz óz kezegimizde bul eki aqynnyń aýzyndaǵy sózdi kúlli qyrǵyz halqynyń aýzyndaǵy sóz deýden aýlaqpyz. Aldaǵy ýaqytta Qyrǵyz Respýblikasynyń Qazaqstandaǵy Tótenshe jáne Ókiletti elshiligimen bailanys ornata otyryp, atalǵan aqyndarǵa qatysty Qyrǵyz biligi tarapynan qandai shara qoldanylǵanyn bilip, habarlaityn bolamyz.
https://www.youtube.com/watch?v=kLfLAYddhXU
Nurgeldi Ábdiǵaniuly
Abai.kz
