Olardyń maqsaty – aýdio derek jinaý. Iaǵni, olarǵa Sizdiń daýysyńyz kerek. Sýretińizdi nemese videońyzdy, jeliqumar bireý bolsańyz, sol aradan op-ońai ala salady. Sodan keiin ony jasandy intellektige salyp óńdeidi, dep jazady Dalanews.kz.
Al jasandy intellekt jasaǵan sapasy onsha emes, biraq shynaiy Sizge keletin bir nemese birneshe minýttyq taspany, Qarjy naryǵyn retteý jáne damytý agenttigi alaiaqtar túpkilikti birneshe maqsatyna qoldanýy múmkin ekendigin eskertedi.
Atap aitqanda:
- banktik shotqa qol jetkizip, ondaǵy aqshany qolma-qol aqshaǵa ainaldyrady. Sonymen qatar, sizdiń atyńyzdan kredit resimdeý úshin fotońyzdy jasandy intellekt kómegimen jasap shyǵady;
- qaitys bolǵan adamnyń derekterin urlap, banktik onlain-qyzmetterge jáne t.b. qol jetkizý úshin oǵan "jan bitire" alady.
Birer mysal.
- Tanymal tulǵalardy paidalaný (jasandy zerde kómegimen jasalǵan, naqtysynda olar da zardap shegýshi) arqyly jarnama jasaý. Maqsaty – joq nárseden aqsha jasaý.
- Siz udaiy qoldanatyn saittyń feikin qura qoiý. Maqsaty - sol arqyly Sizdiń uialy telefonyńyzǵa enip, jeke derekterge qol jetkizý.
Dipfeikterdi qoldanatyn kiberqylmyskerlerge qarsy kúrestiń negizgi tásili – paidalanýshylardyń osyndai shemasy týraly habardar bolý jáne tsifrlyq gigienany saqtaý.
