Qymbat nómirlerdi satýdan 5 mlrd teńge paida túsken
«Normany engizgen kúnnen bastap, (2014 jyldyń 20 qazany), qazirgi ýaqytqa deiin 11380 joǵary suranysqa ie memlekettik tirkeý nómirleriniń jiyntyǵy satyldy jáne olardyń satylýy esebinen biýdjetke 5 283 079 953 teńge tústi», - delingen «QazAqparat» agenttigine berilgen jaýapta.
Halyq arasynda eń úlken suranysqa 007 men 777 nómirleri ie. Memlekettik tirkeý nómirleri Almaty men Astanada kóp satylǵan.
«Ádemi» nómirlerdiń baǵasy Salyq kodeksiniń 540-babynda belgilengen.
100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 sandary bar memlekettik nómirlerdiń quny ailyq eseptik kórsetkishtiń 13 700 paiyzyna teń kelse, 001, 002, 003, 004, 005, 006, 007, 008, 009, 777 nómirleri ailyq eseptik kórsetkishtiń 22 000 paiyzyn quraidy.
Aita keteiik, Qazaqstan AEK deńgeii - 2 121 teńge.
