Q.Bishimbaev Qazaqstannyń syrtqy qaryzyn ósirmeýge sóz berdi
«Ulttyq ekonomika ministrligi óz aldyna memlekettik boryshtyń ósýine jol bermeý mindetin qoiady. Búgingi kúni Qazaqstannyń memlekettik boryshy álemniń basqa elderimen salystyrǵanda tómen deńgeide. 2016 jylǵy 1 shildedegi jaǵdai boiynsha jiyntyq memlekettik borysh 10,9 trln teńgeni (bir dollrǵa 338,8 teńge bolǵanda 32,2 mlrd dollar - agenttik) quraidy. Bul 2016 jylǵy JIÓ-ge qatysty 24,6 paiyzdy qurady, onyń ishinde ishki borysh JIÓ-ge qatysty 13,5 paiyz jáne syrtqy borysh JIÓ-ge qatysty 11,1 paiyzdy quraidy», - dedi ministr.
Onyń aitýynsha, 2017-2019 jyldary memlekettik boryshty qolaily deńgeide ustap turý úshin respýblikalyq biýdjet tapshylyǵyn 2017 jylǵa qarai JIÓ-ge shaqqanda 1,2 %-ǵa, al 2019 jylǵa qarai 1,0%-ǵa jetkizý kózdelgen.
