Qazaqstan-Britan tehnikalyq ýniversiteti (QBTÝ) ornalasqan ǵimarat memleket menshigine ótti, dep habarlaidy Dalanews.kz.
Almatydaǵy ýniversitet ǵimaratyn NNEF qoǵamdyq qory óz erkimen jáne óteýsiz negizde memleketke berdi.
Qujatqa súiensek, QBTÝ aktsiialary burynǵydai NNEF qorynyń menshiginde qala beredi. Qazir qor Almaty qalasynyń ákimdigimen ǵimaratty ýniversitetke senimgerlik basqarýǵa berý máselesi boiynsha kelissózder júrgizip jatyr.
NNEF qorynyń málimetinshe, QBTÝ-dyń tarihi ǵimaraty Almaty men Qazaqstan úshin mańyzdy mádeni nysan sanalady. Osyǵan bailanysty ǵimarattyń memlekettik menshikke ótýi ony uzaq merzimge saqtaý men uqypty basqarýǵa baǵyttalǵan sheshim retinde baǵalanyp otyr.
Sonymen qatar, qor men QBTÝ tehnikalyq bilim berý salasyndaǵy pozitsiiasyn kúsheitýge arnalǵan damý strategiiasyn iske asyryp jatyr. Bul jospar aiasynda stýdentter men oqytýshylarǵa qolaily jaǵdai jasaityn jańa oqý kampýsyn salý kózdelgen.
