QazUÝ stýdentteri sailaýda belsendilik tanytty
Dekandar, kýratorlar men oqytýshylar tarapynan stýdentterge eshqandai qysym bolǵan joq. Ýniversitet stýdentteri ózindik azamattyq ustanymymen, qoǵamdaǵy saiasi protsesterge belsendi qatysýymen erekshelenedi. Sondyqtan stýdentter arasynda eriktilik, óz oilaryn ashyq túrde bildirý erkindigi, qaǵidaty únemi saqtalady.
Ýchaskelerdegi kezekter sailaýshylar sanynyń birshama birkelki bolmaýyna bailanysty boldy. Atap aitqanda, № 568, 258 jáne 259 úsh sailaý ýchaskesinde daýys beretin sailaýshylardyń jalpy sany 4093 quraidy, onyń ishinde 841 - jaqyn ornalasqan úilerdiń turǵyndary jáne 3252 - Ál-Farabi atyndaǵy QazUÝ stýdentteri.
Onyń ishinde: № 568 ýchaske - barlyǵy 810, № 258 – 1010 jáne № 259 ýchaskede - 2272 sailaýshy tirkelgen. Sonymen qatar, 4 (tórt) biýlletendi toltyrý ýaqyt alatynyn jáne kezektiń paida bolýyna yqpal etetinin eskerý qajet.
