QazUÝ men Mysyrdyń yntymaqtastyq aiasy keńeiip keledi
Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev eki el arasyndaǵy yntymaqtastyq – ekonomika, ǵylym, bilim, mádeniet jáne basqa da salalardyń damýyna oń yqpal etetinin atap ótti. Egipet ýniversitetterimen tyǵyz bailanys ornatýǵa jáne jańadan keletin stýdentterdi qabyldaýǵa daiyn ekenin jetkizdi. Mysyr Arab Respýblikasynyń Kair ýniversitetinde Ál-Farabi ǵylymi-bilim berý ortalyǵynyń ashylǵanyna rizashylyq bildirdi. Mamandardy birlesip daiarlaý, akademiialyq almasý baǵdarlamalaryn iske asyrý, oqytýshylardyń biliktiligin arttyrý boiynsha áriptestikti jalǵastyrýdy usyndy. Budan bólek, birlesken halyqaralyq konferentsiialar men simpoziýmdardy ótkizý jáne qos diplomdy bilim berý baǵdarlamasyn júzege asyrý jóninde usynystar jasaldy.
Ýniversitet jaily óz áserimen bólisken Elshi Manal Ehiia El Shinnavi QazUÝ basshylyǵynyń jyly qabyldaýyna alǵys bildirip, ózara árekettestiktiń zor áleýetine erekshe toqtalyp ótti.
1991 jyly Arab memleketteriniń ishinde Mysyr alǵashqy bolyp Qazaqstan táýelsizdigin moiyndady. Eki el arasyndaǵy dostyq qarym-qatynastyń jemisi retinde 1993 jyly Elbasy Nursultan Nazarbaevtyń bastamasymen Almatyda «Nur-Múbarak» Egipet islam mádenieti ýniversiteti ashyldy.
Manal Ehiia El Shinnavi Mysyr Arab Respýblikasy basshylyǵy bilikti kadrlar daiarlaýǵa múddeli ekendigin aita otyryp, talapty jastardy álemniń úzdik ýniversitetterine jiberetinin aitty. Solardyń qatarynda Ortalyq Aziia elderi arasynan Ál-Farabi atyndaǵy Qazaq ulttyq ýniversiteti bar ekenin jetkizdi.
Elshi Qazaqstandaǵy eń úzdik JOO-men áriptestikke qyzyǵýshylyq tanytyp, 2009 jyly ýniversitet pen QR-daǵy Egipet Elshiligi arasynda qol qoiylǵan ózara túsinistik týraly memorandýmdy jańartýdy usyndy. Sonymen qatar JOO basshylyǵynyń ǵylym, bilim jáne mádeniet salasyndaǵy yntymaqtastyq pen birlesken jobalardy keńeitý jónindegi usynystaryn qoldaýǵa daiyn ekenin málimdedi.
