2014 jyldan bastap ál-Farabi atyndaǵy Qazaq ulttyq ýniversiteti ár túrli baǵyttaǵy ózekti ǵylymi, saiasi jáne áleýmettik máselelerdi talqylaityn ashyq alań retinde jylsaiynǵy Halyqaralyq Farabi oqýlaryn ótkizý dástúrge ainalǵan.
VI Halyqaralyq Farabi oqýlary aiasynda memleket pen tulǵany, qoǵamdy damytýdaǵy máselelerdi sheshý úshin sheteldik jáne qazaqstandyq ǵalymdardyń kúsh-jigerin biriktirýge baǵyttalǵan iri halyqaralyq ǵylymi is-sharalar ótedi.
Farabi oqýlaryna Qazaqstan ýniversitetteri men jaqyn jáne alys shet elderdiń ǵylymi mekemeleriniń ǵalymdary, oqytýshylary men stýdentteri qatysady.
Farabi oqýlary sheńberinde kelesi is-sharalar:
- 2-3 sáýirinde «Ál-Farabi jáne qazirgi zaman» VI Halyqaralyq Farabi forýmy;
- 3-12 sáýir aralyǵynda fakýltetterdiń halyqaralyq ǵylymi konferentsiiasy;
- 8-11 sáýir aralyǵynda «Farabi álemi» stýdentter men jas ǵalymdardyń halyqaralyq ǵylymi konferentsiiasy ótedi.
Ǵylymi-tehnikalyq is-sharalar Ogaio Ýniversitetiniń (AQSh), Hamad Bin Halifa ýniversiteti Islamdyq zertteýler kolledjiniń (Katar), Ekseter ýniversitetiniń gýmanistik bioarheologiia ortalyǵynyń (Ulybritaniia), Frankofoniia halyqaralyq agenttiginiń (Rýmyniia), Pýsan ýniversitetiniń (Ońtústik Koreia), Kair ýniversitetiniń (Egipet), Cheliabi memlekettik tarihi-mádeni "Arkaim" qoryǵy men RǴA filosofiia institýtynyń (Resei) jáne t.b. ǵalymdarynyń qatysýymen ótedi.
Ótetin oryndary: Ál-Farabi ǵylymi kitaphanasy. Shyǵystaný fakýlteti. Filosofiia jáne politologiia fakýlteti. Halyqaralyq qatynastar fakýlteti. Meditsina jáne densaýlyq saqtaý fakýlteti. Ekonomika jáne biznes joǵary mektebi. Ó.A. Joldasbekov atyndaǵy stýdentter saraiy.
