Ál-Farabi atyndaǵy Qazaq ulttyq ýniversitetinde robototehnika jáne innovatsiialyq tehnologiialar boiynsha «Almaty Tech Cup X» Almaty qalasy Ákiminiń Kýbogyna arnalǵan X mereitoilyq chempionat ótýde.
Bilimdi jastardyń basyn qosqan baiqaýdy Almaty qalasynyń Ákimdigi, Almaty qalalyq Bilim basqarmasy, USTEM Foundation qoǵamdyq qory men QazUÝ birlesip uiymdastyrdy.
Bul shara robototehnika jáne innovatsiialyq tehnologiialar boiynsha tájiribe almasýǵa, jańa innovatsiialyq jobalardy qurýǵa, jastardy ǵylymǵa tartýǵa jol ashady.
Halyqaralyq saiystyń saltanatty ashylýynda Ál-Farabi atyndaǵy QazUÝ Basqarma Tóraǵasynyń orynbasary – Birinshi prorektor Erkin Dúisenov quttyqtaý sóz sóilep, «Búgingi halyqaralyq baiqaýdyń QazUÝ qalashyǵynda uiymdastyrylyp otyrǵanyna qýanyshtymyz. Biz kezkelgen ǵylymi jetistikterdi kórsetýge, tyń jobalardy birlesip talqylaýǵa daiynbyz.
QazUÝ rektory Janseiit Túimebaev oqý ornynda IT-tehnologiialardy jetildirýdi ýniversitet damýynyń basym baǵyttarynyń birinde belgiledi.
Joǵary oqý oryndarynyń oqytýshy ǵalymdary, stýdent jastary, ǵylymi uiymdarmen iri kompaniia ókilderi mek mektep ustazdary, oqýshylary bir alańda bas qosyp, tájiribe bólisip, pikir almasýda.
Búginde bilim ordasynda bakalavriat, magistratýra, doktorantýra boiynsha osy baǵytty tereń meńgerýge negizdelgen bilim berý baǵdarlamalary bar.
QazUÝ ǵylym men bilim salasyndaǵy kóshbasshy ýniversitet retinde elimizdegi robototehnika jáne innovatsiialyq tehnologiialardyń jańa múmkindikterine jol ashyp, osy baǵytta áleýetin arttyra túsetinine senimdimin» – dedi.
Óz kezeginde Ál-Farabi atyndaǵy QazUÝ Ǵylym jáne innovatsiialyq qyzmet jónindegi departamentiniń direktory Marǵulan Ibraimov búgingi kúni ýniversitet robototehnika, innovatsiia, injeneriia jáne aqparattyq tehnologiialar, kiberqaýipsizdik, jasandy intellekt jáne úlken derekterdi óńdeý salasyna bilikti maman daiyndaýda ilgeri qadamdar jasap otyrǵanyn atap ótti.
Sonymen qatar, Kommýnikatsiia jáne ǵaryshtyq injeneriia institýtynyń direktory Qýanysh Álipbaev, Almaty qalasy Bilim basqarmasynyń «Almaty daryny» daryndy balalar men talantty jastardy anyqtaý jáne qoldaý jónindegi ortalyǵynyń direktory Gúlnur Kárimqajy quttyqtaý sóz sóilep, izdenimpaz jastardyń jetistikterge jetýine tilektestikterin bildirdi.
Ekinshi kúni muǵalimderge arnalǵan STEM-konferentsiia uiymdastyrylyp, stýdentter men mektep oqýshylary ózderiniń ǵylymi jobalarynyń kórmesin usynýda.
Intellekýaldyq joba tórt negizgi baǵyt boiynsha ótkizilýde: robototehnika, jasandy intellekt, drondar jáne zymyrandar.
Sonymen qatar mereitoilyq chempionat aiasynda First Global Challenge Dúniejúzilik Olimpiadasynyń Ulttyq kezeńi ótýde. Oǵan Qazaqstannan iriktelgen 40-qa jýyq komanda, sondai-aq Ózbekstan men Birikken Arab Ámirlikteriniń ókilderi qatysýda.
Jeńimpazdar qyrkúiek aiynda álemniń 191 eliniń úzdik komandalary qatysatyn Grekiiadaǵy chempionatqa joldama alady.
