QazUPÝ-de bos oryn jármeńkesi bolyp ótti
Abai atyndaǵy Qazaq ulttyq pedagogikalyq ýniversitetinde Mansap ortalyǵynyń uiymdastyrýymen «Bos oryn» jármeńkesi bolyp ótti.
Atalǵan is-shara ýniversitetimizdi bitirip, jańa ómirge qadam basqaly otyrǵan jas mamandardy jumysqa ornalastyrý maqsatymen uiymdastyryldy. «Bos oryn» jármeńkesine elimizdiń túpkir-túpkirinen bilim berý uiymdarynyń ókilderi men bank jáne qarjy-ekonomikalyq organdarynyń, quqyq qorǵaý salasynyń basshylary jáne basqa da uiymdardyń ókilderi qatysty. Atap aitar bolsaq: jármeńkege Aqmola oblysynan – 3 mektep, Atyraý oblysy men Atyraý qalasynan – 10 mektep, Almaty oblysynyń Qarasai aýdanynan 7 mektep, Balqash aýdanynan –3 mektep, Eńbekshiqazaq aýdanynan – 5 mektep, Qapshaǵai qalasynan – 3 mektep, Almaty qalasynan – 47 mektep, «Balbulaq» balalardy saýyqtyrý ortalyǵynan, Qazaqstan-Resei meditsinalyq kolledjinen, Almatydaǵy №47, 96 balabaqshadan, «Áigerim», «Elsana», «Sultanqorǵan» «Úkili úmit» jeke balalar mekemesinen, jalpy 72 bilim mekemesinen ókilder qatysty.
Jármeńkeni ashqan ýniversitettiń birinshi prorektory, professor Maqtaǵali Bektemesov biylǵy túlekterimiz qazaq biliminiń qara shańyraǵy – Abai atyndaǵy Qazaq ulttyq pedagogikalyq ýniversitetiniń 90 jyldyq mereitoiy qarsańynda ýniversitet qabyrǵasynan ushqaly otyrǵanyn atap ótti. Jaratylystaný jáne geografiia institýtynyń direktory, professor Kúlásh Qaimýldinova bizdiń túlekter zamanǵa sai jańa innovatsiialyq tehnologiiany tereń meńgergen túlekter ekenin, olardyń qai salada bolmasyn ýniversitetimizdiń abyroi-bedelin asqaqtatatynyna senimdi ekenin aitty. Jármeńkege kelgen mekeme basshylary biyl oqý ornyn matematika, geografiia, fizika mamandyqtary boiynsha bitirgen jáne bastaýysh synyp mamandaryna suranystyń artyp otyrǵanyn jetkizdi. Sonymen qatar merekede sóz alǵan Almaty qalasyndaǵy №189 mekteptiń direktory Roza Omarbaeva, I.K.Mondoki atyndaǵy «Qazaq tili qoǵamy» Respýblikalyq birlestiginiń direktory Rýslan Jumaliev pen Qazaqstan-Resei meditsina kolledjiniń bólim meńgerýshisi Sholpan Mamyrbekova ýniversitetimizdiń 90 jyldyq merekesi sátti ótýine tilektestigin bildirip, bizdiń ýniversitetimizdiń stýdentteri qandai salada bolmasyn tek jetistikterge umtylatyn sapaly maman bolatyndyqtaryna senim bildirdi. Osyndai saltanatpen ashylǵan «Bos oryn» jármeńkesi ary qarai stýdenttermen óz jumysyn bastap ketti.
Bul kúni ýniversitettiń matematika, fizika jáne informatika institýtynan – 65, Pedagogika jáne psihologiia institýtynan – 13, Filologiia jáne kóptildi bilim berý institýtynan – 53, Jaratylystaný jáne geografiia institýtynan – 23, Tarih jáne quqyq institýtynan – 16, Óner, mádeniet jáne sport institýtynan – 13 mamanǵa suranys túsip, bul boiynsha ýniversitet pen jumys berýshiler arasynda kelisim-sharttarǵa qol qoiyldy.
Shoqan Quttybaev, Abai atyndaǵy QazUPÝ Qoǵammen bailanys bóliminiń qyzmetkeri.
