"Qazposhta" AQ AQSH-qa taýar salynǵan sálemdemelerdi qabyldaýdy jáne jetkizýdi ýaqytsha toqtatty. Mundaı sheshim 2025 jyldyń 26 tamyzynda AQSH shekaralyq-keden qyzmeti engizgen jańa tártipke baılanysty qabyldandy, dep habarlaıdy Dalanews.kz.
"2025 jyldyń 26 tamyzyndaǵy AQSH shekaralyq-keden qyzmetiniń sheshimine sáıkes, "Qazposhta" AQ AQSH-qa taýar salynǵan sálemdemelerdi qabyldaýdy jáne jetkizýdi ýaqytsha toqtatady", – delingen resmı habarlamada.
Sonymen qatar hattar men qujattardy jiberý ádettegi tártippen jalǵasady.
Kompanıanyń málimetinshe, jańa erejeler álemdegi kóptegen elderden jóneltiletin halyqaralyq poshtaǵa qatysty qabyldanǵan. Qazirgi tańda Dúnıejúzilik poshta odaǵyna múshe 192 memlekettiń ishinde tek bes el ǵana AQSH-qa taýarlyq sálemdeme jibere alady.
"Qazposhta" seriktesterimen turaqty baılanysta bolyp, qyzmetti tezirek qalpyna keltirý úshin belsendi kelissózder júrgizip jatyr. Týystarymyz ben klıentterimizge keltirilgen qolaısyzdyq úshin keshirim suraımyz», – delingen kompanıa habarlamasynda.
