«QazMunaiGaz» UK AQ (QMG) basshylyǵy «Mańǵystaýlyq jergilikti munaishylar kásipodaǵy» QB ókilderimen dástúrli kezdesý ótkizdi, – dep habarlaidy Dalanews.kz.
Kezdesýge QMG Basqarma tóraǵasy Maǵzum Myrzaǵaliev, QMG Basqarma tóraǵasynyń orynbasary Nurseiit Soiýnov, QMG jaýapty departamentteriniń direktorlary, «Ózenmunaigaz» AQ (ÓMG) Bas direktory Nurdáýlet Qilybai, ÓMG bas direktorynyń orynbasarlary men basqarýshy direktorlary, «Mańǵystaýlyq jergilikti munaishylar kásipodaǵy» QB tóraǵasy Bahtiiar Bólekbaev jáne kásipodaq ókilderi qatysty.
QMG-niń kásipodaqtarmen ótkizetin dástúrge ainalǵan bul kezdesýleri eńbek ujymdarymen turaqty ári belsendi dialogty qoldaýǵa múmkindik beredi. Kezdesýde taraptar 2023 jyldyń óndiristik jáne áleýmettik-ekonomikalyq qorytyndylaryn shyǵaryp, eńbek ujymdarynda áleýmettik turaqtylyqty saqtaý, eńbek jaǵdaiyn, ónerkásiptik qaýipsizdik pen óndiristik tártipti jaqsartý boiynsha qabyldanyp jatqan sharalar týraly pikir almasty.
Kásipodaq ókilderi QMG-niń Mańǵystaý oblysy men Qazaqstannyń batys óńirlerinde qolǵa alǵan iri áleýmettik jobalaryna oń baǵa berdi.
Atap aitqanda, elimizdiń batysynda aýyz sý tapshylyǵy máselesin sheshý úshin «QazMunaiGaz» byltyr jeltoqsan aiynda «Astrahan-Mańǵyshlaq» magistraldy sý qubyryn rekonstrýktsiialaý jáne keńeitý jobasynyń birinshi kezeńin aiaqtady, bul jumys qubyrdyń sý ótkizý qýatyn táýligine 110 myńnan 170 myń tekshe metrge deiin arttyrdy.
Sonymen qatar 2023 jyldyń qyrkúieginde Kendirlide sý tushytý zaýytynyń qurylysy bastaldy. Odan bólek, ulttyq kompaniia Jańaózende jańa gaz óńdeý zaýytyn salýdy qolǵa aldy, ony 2026 jyly aiaqtaý josparlanyp otyr. Bul jobalardyń júzege asý kezeńi men nysandar iske qosylǵan kezde ashylatyn jańa jumys oryndary qaladaǵy áleýmettik turaqtylyqqa oń áserin tigizedi.
Qatysýshylar sondai-aq eńbek ujymdarynyń tarapynan jii qoiylatyn suraqtardy talqylady, olardyń qatarynda eńbekaqy, munai kásipshiliginde qoldanylatyn jabdyqtardy satyp alý men jańartý, jeke qorǵanys quraldarymen qamtamasyz etý, sharýashylyq-turmystyq keshenderdi salý, jóndeý jáne basqa da máseleler bar.
Kezdesýde Ózen ken ornyn ońaltý jobasyna, ony iske asyrý kezindegi negizgi syn-tegeýrinder men tehnologiialyq qiyndyqtarǵa jeke toqtaldy. Sonymen qatar kezdesýde «Ózenmunaigaz» kompaniiasynyń óndiristik jospary men qarjylyq qyzmetiniń nátijeleri, sondai-aq elektr qýatymen jabdyqtaý máselesiniń óndiristik protseske áseri taldandy.
