«QazMunaiGaz» UK AQ qyzmetkerleri KMG Volunteer eriktiler qozǵalysynyń bastamasymen kóktemgi sý tasqynynan zardap shekken otbasylar úshin Atyraýǵa gýmanitarlyq kómek jiberdi.
Eriktiler bir tonnadan astam azyq-túlik, gigienalyq quraldar, kiim-keshek pen tósek-oryn jinady.
«Ár igi isimiz ben qaiyrymdylyq jolyndaǵy áreketimiz ómirimizdiń mánin arttyra túsedi. Búgin jinalǵan gýmanitarlyq kómekti Atyraýǵa jiberý arqyly qaiyrymdy áreket jasap qana qoimai, qiyn jaǵdaiǵa tap bolǵan jandarǵa úmit syilap, qoldaýymyzdy kórsettik. Bul bastamamyz zardap shekken otbasylardyń qiyndyǵyn az da bolsa jeńildetýge, bul jaǵdaidy jeńip shyǵýǵa kúsh beredi dep senemiz», — dedi volonter Baldyrǵan Ómirbekova.
QMG volonterleri qaiyrymdylyq aktsiiaǵa atsalysyp, qol ushyn sozǵan jandarǵa alǵys bildiredi.
Sonymen qatar, «QazMunaiGaz» kompaniialar tobynyń eńbek ujymdary zardap shekken óńirlerdiń turǵyndaryna arnap qarjylai jáne gýmanitarlyq kómek jinaýdy jalǵastyrýda. QMG enshiles kásiporyndary qarjylai kómekpen qatar, arnaiy tehnika bólip kómek kórsetýde.
«Qazaqoil Aqtóbe» JShS Muǵaljar jáne Alǵa aýdandarynyń ákimdikterine kólikti jalǵa alý jáne dizel otynyn satyp alý úshin qarjylai kómek kórsetti. Kompaniia 22 naýryzdan bastap Muǵaljar aýdanynyń Qojasai kentin elektr qýatymen qamtamasyz etip otyr (kent kompaniianyń elektr jelisine qosylǵan).
«Qazaqtúrikmunai» JShS Aqtóbe oblysyndaǵy Baiǵanin jáne Yrǵyz aýdandarynyń, Abai aýylynyń turǵyndaryn evakýatsiialaý úshin úsh jer talǵamaityn avtobýs bólip, qutqarýshylardy dizel otynymen jáne benzinmen qamtamasyz etti. Kompaniia qyzmetkerleri turǵyndardy evakýatsiialaýǵa tikelei atsalysýda.
«Ózenmunaigaz» AQ Atyraý oblysy Jylyoi aýdany Qulsary qalasyna kómek kórsetý úshin júrgizýshiler men 19 birlik kólik tehnikasyn jiberdi.
«Embimunaigaz» AQ 25 naýryzdan bastap Atyraý oblysynyń aýdandaryna jáne Atyraý qalasyna kómek kórsetip keledi. Kompaniia 49 birlik arnaiy tehnika, 11,5 tonna janar-jaǵarmai, sondai-aq qajet bolady degen jabdyqtardan 83 myń qap, 4 myń jup qolǵap, 500 birrettik kombinezon jáne 400 kúrek bóldi. Budan basqa, Embimunaigazdyń 147 qyzmetkeri oblystaǵy sý tasqyny saldaryn joiý jumystaryna tartyldy. Búgingi tańda EMG aimaqqa kómek retinde 100 mln teńgege jýyq qarajat paidalandy.
