«Naýryz - Qazyǵurttan bastalady» atty Naýryz toiy «Rýhani jańǵyrý» baǵdarlamasy aiasyndaǵy aýqymdy is-sharalardyń biri de, biregeii boldy. Aldaǵy ýaqytta Qazyǵurt taýyn zaman talabyna sai iri týristik ortalyq retinde qalyptastyrý mindeti tur. Osyǵan orai Qazyǵurtta arnaiy keshen jasaýdy jobalap otyrmyz. Keme Qazyǵurttyń biigine ornatylmaq. Uzyndyǵy 137 metr, eni 30, al biiktigi 15 metr úsh qabatty bolmaq. Mýzei, qonaq úi, meiramhana, kórý alańdarynyń qurylysyn salý qarastyrylady. Eki shaqyrym kólik joly men jaiaý júrginshiler joly salynyp, jan-jaqty abattandyrý, tynyǵý, demalys alańdaryn jasaý jumystary bar», - dedi Janseiit Túimebaev.
Osylaisha oblys basshysy bastaǵan óńir azamattary tarihi nysannyń qazyǵyn qaqty. Jergilikti jurtty qýanyshty jaitpen quttyqtady.
Sonymen qatar, oblys ákimi biylǵy jyly qolǵa alynatyn aýqymdy mádeni sharalardy da atap ótti. Atap aitqanda, «Ultyq qolóner – uly mura», «Týǵan jerge taǵzym: Ordabasy kóktemi» jastar forýmy, «Aqsý-Jabaǵylynyń alaýy, Shubaiqyzyldyń jalaýy» qyzǵaldaq festivali, «Qymyzmuryndyq», «Qaýynfest», «Safari Shardara» jáne taǵy basqa da is-sharalar ótkizý josparlanýda.
OQO ákiminiń baspasóz qyzmeti
