Búgin, 27 shildede qazaqtan shyqqan tuńǵysh ǵaryshker, Halyq Qaharmany, Keńes Odaǵynyń Batyry, aviatsiia general-maiory Toqtar Áýbákirov 80 jasqa toldy, dep habarlaidy dalanews.kz.
Toqtar Ońǵarbaiuly 1946 jyly Qaraǵandy oblysynyń Qarqaraly aýdanynda dúniege kelgen. Bala kezinen aspan álemine qyzyqqan ol tabandylyǵy men kásibi sheberliginiń arqasynda aviatsiia salasynda úlken jetistikterge jetti.
50-den astam áskeri ushaqty synaqtan ótkizgen
Toqtar Áýbákirov Keńes Odaǵyndaǵy eń tájiribeli synaqshy-ushqyshtardyń biri sanalady. Ol 50-den astam áskeri ushaqtyń alǵashqy synaq ushýyna qatysqan.
1988 jyly aýada janarmai quiý arqyly Soltústik poliýske tarihi ushý saparyn oryndady. Osy erligi men aviatsiia salasyndaǵy erekshe eńbegi úshin oǵan Keńes Odaǵynyń Batyry ataǵy berildi.
Áskeri aviatsiiadaǵy jetistikteri úshin Toqtar Áýbákirovtiń esimi Ginnestiń rekordtar kitabyna jáne Dúniejúzilik aviatsiia murajaiyna engizilgen.
Qazaq tarihyndaǵy ǵaryshqa jol ashqan kún
1991 jylǵy 2 qazanda Toqtar Áýbákirov «Soiýz TM-13» ǵarysh kemesimen kókke kóterildi. Ekipaj quramynda komandir Aleksandr Volkov pen avstriialyq ǵaryshker Frants Fibek te boldy.
Osy sapar arqyly Toqtar Áýbákirov Keńes Odaǵynyń 72-shi ári sońǵy ǵaryshkeri retinde tarihqa endi. Sonymen qatar ol qazaqtan shyqqan jáne túrki halyqtary arasyndaǵy tuńǵysh ǵaryshker atandy.
Toqtar Áýbákirovtiń ǵaryshqa sapary Qazaqstan tarihyndaǵy eń mańyzdy oqiǵalardyń biri bolyp, keiingi býynǵa jiger men maqtanysh syilady.
