«Qazaqtyń uly adamdary ózge ulttan áiel alǵan». Biraq Seifýllin Jolbarys tulǵa emes qoi.
31 arnanyń «Aita bersin» baǵdarlamasyna bergen suhbatynda Ekaterina Seifýllin ekeýiniń qos qyzy bar ekenin ashyp aitty. Alaida Ekaterina balalarynyń ákesi siiaqty elge tanymal tulǵa bolǵanyn qalamaitynyn jetkizdi.
– Men tanymal adam emespin, ózi jarqyrap júre bersin, aman bolsyn, úlken-úlken kontsertter bere bersin. Biraq otbasymyzdy, qyzdarymyzdy, uldarymyzdy jarqyratyp, jaryqqa shyǵarǵandy men ózim qoldamaimyn jáne qalamaimyn, – dedi Ekaterina.
Áńgime barysynda Ekaterina taza qazaq tilinde sóilep tańǵaldyrdy. Ol Seifýllinmen qalai tanysqanyn aityp berdi.
– Sýretterdi salamyz ba, qai jerde júremiz, qydyramyz, ol ózimizdiń jeke ómirimiz. Sondyqtan bireýdiń kóńiline qarap, el ne deidi, jýrnalister ne deidi dep ómir súrmeimiz. Bizge ne unaidy, ne qalaimyz, sóitip ómir súremiz. Ózim týraly aýyz toltyryp aita almaimyn. Kádimgi qarapaiym qyzbyn, Almaty oblysynyń týmasymyn. Seifýllin Jolbaryspen «Habar» arnasynda tanysqan bolatynbyz. Qazaq tili boiynsha bir jobaǵa qatysqan edim. Solai bolyp qaldy. Eki qyzymyz bar. Úlkenimiz – 4,5, kishimiz – 2,5 jasta, – deidi Ekaterina.
Qazaq tilin jetik meńgergen Ekaterina halqymyzdyń tarihyn da jaqsy biletin bolyp shyqty. Ol kezinde qazaq halqyna eńbegi sińgen uly tulǵalardyń da ózge ulttan áiel alǵanyn tilge tiek etti.
– Biz sezim paida bolǵannan keiin, ómirimiz uqsaǵannan keiin, ótken ómirimiz, oi-órisimiz keliskennen keiin otbasyn qurdyq. Aralas neke dúniejúzinde bolyp jatqan qubylys qoi, odan eshqandai bas tartýǵa bolmaidy. Ol bolyp jatqan nárse. Mysaly, burynda kóptegen qazaqtyń uly adamdary basqa ulttan áiel alǵan bolatyn. Mysaly, Qonaev atamyzdyń tatar, Baýyrjan Momyshulynyń orys áieli bolatyn. Mustafa Shoqai bar, aita berseń kóp. Sondyqtan biz birinshimiz dep aitýǵa bolmaidy ǵoi. Ózimizge ózimiz kelisti kórinemiz. Basqalarǵa qalai ekenin bilmeimin, – dep túiindedi sózin ánshiniń jary.
Aita keteiik, Seifýllin Jolbarystyń birinshi nekesinen bir uly bar.
Derekkózi: stan.kz
