«Qazaqtelekom» AQ telekommýnikatsiialyq infraqurylymdy jańǵyrtýdyń strategiialyq baǵdarlamasy aiasynda aýyldarda talshyqty-optikalyq bailanys jelisin (TOBJ) tóseý jobasyn iske asyrýdy jalǵastyrýda. Osylaisha, Qostanai oblysy Beiimbet Mailin aýdanynyń Áiet aýyly – optikalyq jelimen tolyq qamtylǵan alǵashqy aýdan ortalyǵy atandy, dep habarlaidy Dalanews.kz.
Buǵan deiin aýdan turǵyndary basqa da aimaqtar sekildi mys bailanys jelisin paidalanyp kelgen edi. Onyń jyldamdyǵy 12 Mbit/s-ten aspaityn, endi GPON tehnologiiasymen salynǵan optikalyq jeliniń qýaty 500 Mbit/s-qa jetedi. Bul qala men aýyl arasyndaǵy tsifrlyq teńdikke qol jetkizýdiń taǵy bir qadamy.
«Ózara seriktestik is-qimyl baǵdarlamasy aiasynda eki ai ishinde Áiet aýylynyń 1200 shaqty úi sharýashylyǵyna GPON tehnologiiasy boiynsha optikalyq jeli ótkizildi. Onyń 993-i mys jelisi arqyly qyzmet paidalanyp kelgen abonentter. Búginde 800 abonent mystan «optikaǵa» aýystyryldy», - dep atap ótti «Qazaqtelekom» AQ telekommýnikatsiia jelilerin paidalaný jáne rekonstrýktsiialaý qyzmetiniń bastyǵy Mihail Poletaev.
Kompaniia aýyl turǵyndaryna 500 Mbit/s deiingi jyldamdyqty internetke qosylý múmkindigin usyndy. Jeliniń mundai ótkizý qabileti abonentterge bilim berý platformalarynan bastap oiyn-saýyq kontenti, qashyqtan jumys isteýge arnalǵan qyzmetterge deiingi tsifrlyq jáne onlain qyzmetterdiń barlyq spektrin ashady.
«Buryn mys bailanys jelisin paidalaný kezinde múmkindikter tym az edi: beine qońyraýlar úzilip, Smart TV turaqsyz jumys isteitin, endi bul shekteýlerdi tolyǵymen joidyq. Optika arqasynda aýyl turǵyndary filmder men serialdardy joǵary sapada tamashalai alady, zamanaýi beine servisterdi paidalanyp, mysaly, TV+ qosymshasyndaǵy Disney servisi», - dep atap ótti «Qazaqtelekom» AQ Soltústik óńirdegi V2S segmentiniń kommertsiialyq direktory Alena Liapýnova.
Kabeldi abonenttiń páterine deiin ótkizetin GPON tehnologiiasynyń artyqshylyǵy sol – klientti joǵary jyldamdyqty, ári turaqty internetpen qamtamasyz etedi. Internet jelisine talshyqty-optikalyq qol jetimdilik bir ýaqytta birneshe qyzmetterdi paidalanýǵa múmkindik beredi: tsifrlyq televiziia, TV+ platformasy, internet jáne IP telefoniia. Sonymen qatar, birden birneshe qurylǵyny qosqan kezde de derekterdi berý sapasy nasharlamaidy, jyldamdyǵy turaqty, joǵary. Klient óz qalaýyna qarai ózine eń ońtaily tarifti tańdai alady.
«Kólemdi beineler men fotomaterialdarmen jumys isteimin. Buryn klientke beinerolik jiberý úshin bir kún qajet bolatyn. Qazir buǵan kólemine bailanysty 10-15 minýt jetip jatyr. Sondai-aq barlyq usynylǵan qyzmetter paketin qostyq. Shapshań internet, umytyla bastaǵan telearnalardy kórip, SIM kartalaryn jáne úi telefonyn qoldanamyz. Qazir barlyq múmkindikterdiń qyzyǵyn esh shekteýsiz kórip otyrmyz. Ázirge birinshi tólem jasaǵan joqpyz, shamamen bir aiǵa 12-15 myń shyǵady eken. Mundai yńǵaily servister úshin arzan baǵa», - dep Áiet aýylynyń turǵyny Aleksandr Koriakin oń baǵasyn berdi.
Áiet aýylynyń jańa abonentterin optikalyq jelige qosý 2026 jyldyń birinshi jartyjyldyǵynda aiaqtalady.
