«Qazaqtelekom» AQ eresekter arasyndaǵy grek-rim, erkin jáne áielder kúresi boiynsha Qazaqstan Respýblikasy Chempionatynyń tehnikalyq seriktesi boldy. Chempionat Almaty qalasynda ótti, jarysqa elimizdiń barlyq óńirlerinen shamamen myń sportshy qatysty. Týrnir jeńimpazdary 2026 jylǵy Aziia chempionatynda Qazaqstan atynan qatysý quqyǵyna ie boldy, dep habarlaidy Dalanews.kz.
Seriktestik aiasynda kompaniia arenany 2000 Mbit/s joǵary jyldamdyqty internetpen qamtamasyz etti, bul chempionattyń onlain-transliatsiialarynyń jaqsy ótýine jáne tsifrlyq qyzmetterdiń úzdiksiz jumysyn qamtamasyz etýge múmkindik berdi.
Mundai deńgeidegi jarystardy qoldai otyryp, «Qazaqtelekom» AQ eldegi tsifrlyq infraqurylymdy damytýǵa jáne jappai ári kásibi sportty nasihattaýǵa óz úlesin qosady. Kompaniia iri sporttyq sharalardy joǵary tehnologiialyq deńgeide ótkizýge jaǵdai jasaidy.
«Damyǵan telekom-infraqurylym bizge kez kelgen aýqymdaǵy is-sharalarda tsifrlyq qyzmetterdiń turaqty jumysyn qamtamasyz etýge múmkindik beredi. Bizdiń mamandar qyzmetke qosylýdy jyldam uiymdastyryp, qajetti jabdyqty ornatyp, chempionattyń barlyq kezeńinde bailanystyń úzdiksiz jumysyn qamtamasyz etti. Senimdi internet bailanysynyń arqasynda kúres onlain-transliatsiialary kedergisiz ótti, al kórermender búkil el boiynsha jarystar barysyn joǵary sapada tamashalai aldy», — dep atap ótti «Qazaqtelekom» AQ Korporativtik biznes jónindegi divizionnyń Klienttik qosylystar departamentiniń direktory Gúlmira Úrinbaeva.
