Derekterdi taldaý mektebi uıymdastyrǵan CareerBoom mıtapynda «Qazaqtelekom» sarapshylary bolashaq mamandarmen telekomýnıkasıa jáne sıfrlyq tehnologıalar salasynda mansap qurý tájirıbesimen bólisti. Kompanıa jas mamandarǵa úlken derektermen jumys isteý – basqarý sheshimderi men jańa múmkindikterdiń negizine aınalatynyn kórsetti, dep habarlaıdy Dalanews.kz.
CareerBoom – bul Derekterdi taldaý mektebiniń bıznes jáne tehnologıa seriktesterimen birlese óz stýdentterine arnap ótkizetin kezdesýler serıasy. Alty jyl ishinde mektep búkil Qazaqstan boıynsha 20 myńnan astam stýdentti oqytyp, telekom jáne IT-kompanıalaryn qosa alǵanda, júzdegen korporatıvtik klıenttermen yntymaqtasty.
Kezdesý barysynda stýdentter tájirıbeden ótý, jalaqy jáne joǵary mansapqa jetý jóninde belsene suraqtar qoıdy. Kompanıa úshinshi kýrs stýdentterin tájirıbeden ótýge shaqyrdy, al jumysty ilip ákete alǵan praktıkanttar kóp jaǵdaıda qyzmetke tura alatynyn atap ótti.
«Búginde IT jáne saraptama – jaı ǵana kod pen keste emes, derekterdiń qundylyǵyn kórsetip, durys sheshim qabyldaýǵa múmkindik beretin qural. Biz qyzyǵýshylyǵy zor, ózin-ózi damytýǵa qumar jastardy izdeımiz. Bizde qarapaıym stýdenttik jobadan bastap, birneshe jyldan keıin óz jobańdy basqarýǵa bolady», - dep atap ótti «Qazaqtelekom» AQ Sıfrlyq bıznes dıvızıonynyń EX-dırektory Dına Shagına.
2018 jyldan bastap «Qazaqtelekom» Big Data baǵytyn júıeli túrde damytyp keledi. Kompanıanyń árbir iri bıznes-baǵytynda úlken derektermen baılanysty mindetterdi iske asyrýǵa jaýapty bólimsheler quryldy. Osy bólimshelerdiń tıimdi jumys isteýi úshin biryńǵaı korporatıvtik derekter qoımasy (Big Data) qurylyp, eseptilikti basqarý bóliginde IT-júıelerdiń qurylymy jasaldy. Mysaly, búginde Derekterdi taldaýdyń arqasynda kompanıa klıentterdiń qajettilikterin jaqsy túsinedi, jeke sheshimderdi usynyp, óz jelileriniń jumysyn ońtaılandyrady.
Osy jumystyń barlyǵyn «Derekter fabrıkasy» departamenti júzege asyrady. Ol saraptama quraldaryn damytyp, prosesterdi standarttaý jáne kompanıadaǵy Data-driven basqarý mádenıetin qalyptastyrýǵa jaýap beredi.
«Qazaqtelekom» telekom-salasynyń bolashaǵy tehnıkalyq bilimdi saraptamalyq oımen ushtastyra alatyn mamandardyń qolynda dep senedi. Sondyqtan kompanıa CareerBoom sıaqty bilim berý bastamalary men mıtaptaryna belsene qatysady, mundaı sharalardyń arqasynda daryndy stýdentterdi taýyp, olarǵa IT jáne derekterdi taldaý salasynda alǵash qadamdaryn jasaýǵa kómektesedi, odan ári bıik mansap jolyna jeteleı bermek.
