«Qazaqtelekom» AQ « Jaily mektep» (sonymen qatar «Keleshek mektepteri» dep te atalady) ulttyq jobasyn iske asyrýǵa belsendi qatysýda. Joba elimizde zamanaýi bilim berý infraqurylymyn qurýǵa baǵyttalǵan. Kompaniia jańa mektepterdi talshyqty-optikalyq bailanys jelileri (TOBJ) arqyly joǵary jyldamdyqty internetpen qamtamasyz etip, tsifrlyq bilim berý qyzmetterin engizýge jáne oqý sapasyn arttyrýǵa múmkindik beredi, dep habarlaidy Dalanews.kz.
Búgingi kúnge deiin salynǵan 173 mekteptiń 127-i (73%) «Qazaqtelekom» jelisine qosyldy. Tolyq qosylý Aqmola, Atyraý, Jambyl, Pavlodar jáne Soltústik Qazaqstan oblystarynda júzege asyrylǵan. Atap aitqanda, Jambyl oblysynda Baizaq jáne Qordai aýdandary men Taraz qalasynda jeti jańa mektep paidalanýǵa berildi. Bul mektepter zamanaýi oqý quraldarymen, arnaiy kabinettermen, beinebaqylaý júielerimen, týrnikettermen jáne qaýipsizdikti qamtamasyz etetin dabyl batyrmalarymen jabdyqtalǵan. Munyń barlyǵy Memleket basshysynyń bastamasymen iske asyrylyp jatqan ulttyq jobanyń standarttaryna sáikes keledi jáne balalardyń bilimin, ári shyǵarmashylyq áleýetin damytýǵa yqpal etedi.
Jobany júzege asyrý aiasynda, «Qazaqtelekom» AQ mamandary atalǵan óńirlerdegi nysandarǵa 300 km-den astam TOBJ jelisin tartty, bul tsifrlyq infraqurylym úshin senimdi bolǵanyn atap ótken jón jáne mektepterge interaktivti oqytý platformalary men materialdarǵa qashyqtan qoljetimdilikti qosqan zamanaýi onlain-resýrstardy qoldanýǵa múmkindik beredi.
«Komandamyzdyń kúsh-jigeriniń arqasynda joǵary jyldamdyqty internetke úzdiksiz qoljetimdilik qamtamasyz etildi, bul bilim salasynda jańa múmkindikterdiń ashylýyna yqpaly zor»,- dep atap ótti Jambyl oblysy KBD Telekom jelilerin damytý ortalyǵynyń bastyǵy Timýr Nahmedov.
Jobanyń jalpy josparyna sáikes 217 mektep salý kózdelgen. Aǵymdaǵy jyldyń sońyna deiin qalǵan 44 nysan paidalanýǵa beriledi. Bul bastama elimizdegi barlyq bilim berý mekemelerin sapaly internetpen qamtamasyz etip qana qoimai, zamanaýi tsifrlyq qyzmetterdi damytýǵa negiz bola bildi jáne Qazaqstanda bilim berý salasyn tsifrlandyrýǵa úles qosýda.
