Qazaqtar mekendeitin Baian-Ólgii aimaǵynda sý tasqyny oryn aldy
11 shilde kúni de qalanyń basqa aýdandarynan sel túskeni anyqtalǵan. Alaida, der kezinde jumyldyrylǵan qutqarýshylardyń kómegimen seldi basqa arnaǵa buryp úlgeripti.
Qalalyq ákimshiliktegi barlyq satyly qyzmetkerlerdiń barlyǵy da turǵyndardy selden qutqarý jumysyna jumyldyrylǵan. Aimaq ortalyǵynda ornalasqan 6-shy jáne 9-shy baq (aýdan) aýmaǵynda júrgen seldiń zardaptaryn joiý jumystary áli jalǵasyp jatyr. Sol baqtarda eldi kóshirip, qaitadan sý basý qaýpi bar degen jerlerde turǵan úi ielerine basqa qurǵaq aýmaqtardan jer berilip jatyr.
Ólgii qalalyq ákimshiligi úileri selge ketken jandarǵa arnaiy oryndardan jer telimderin berip, sol jerlerge kiiz úimen ornalastyrýda. Úi-múlki selge ketkenderge ázirge eshkim materialdyq kómek qolyn soza qoimaǵan. Keshegi aqpart boiynsha 6-baqtan 7 úi, 9- baqtan 120-dai úi jaramsyz bolyp qalǵan.
«Bir ǵana 6-baq aýmaǵyndaǵy sý alǵan úilerdiń aýlalaryn 10 tonnalyq tsisternalar arqyly sorǵyzyp azaityp jatyr. Bir aýlanyń ózinen ortasha 200-400 tonna sý shyǵýda!», – dep jazady áleýmettik jeli qoldanýshylary.
Degenmen qala biligi ázirge tótenshe jaǵdai jariialaǵan joq. Esterińizde bolsa, Baian-Ólgii qalasynda oryn alǵan oqiǵany buǵan deiin de jazǵan bolatynbyz. Onda seldiń saldarynan eki eresek adam men tórt balanyń qaza bolǵany múmkin degen boljam aitylǵan.
