Depýtat Amanjol Áltai mán-maǵynasy joq orden-medaldary, jalǵan ataqtar qaptap ketkenin aitty,- dep habarlaidy Dalanews.kz.
Májilis depýtaty mundai úrdis eshkimge de abyroi ápermeidi, kerisinshe adamdy dańǵoilyqqa, jeńil ataqqumarlyqqa itermeleitinin aitady.
"Mysaly, siz 50 myń teńgege pysyqai uiymnyń atynan "Qazaqstannyń eńbek sińirgen qyzmetkeri" medaline, al 100 myń teńgege "Qazaqstannyń qurmetti azamaty" ataǵyna ie bolasyz.
San ǵasyrlyq eldik tarihymyzda "Ult ustazy" dep halyq usynǵan sáýleli sózdi qasterlep Ahmet Baitursynulyna ǵana qoldanatyn edik, qazir "Ult ustazy" degen ataqty bar bolǵany 10 myń teńgege satyp ala salasyz. Akademik degende kóz aldymyzǵa Qanysh Sátbaev sekildi ǵulama ǵalymdar elesteýshi edi, qazir 200 myń tege berip qaptaǵan túsiniksiz akademiialardyń jalǵan akademikgi bola salasyz", - deidi depýtat.
Amanjol Áltai bul qurmetteý emes qorlaý, jurtty alaókpe qylatyn,óte qaýipti ári qoǵamdy búldiretin úrdis ekenin atap ótti.
"Osy rette, ádiletti keleshekke qadam basqymyz kelse, satylatyn mánsiz marapattardan qoǵamdy saqtandyrý mańyzdy. Memlekettik rámizderimizdi retsiz qoldanyp, jalǵan ataqtar men qunsyz sólkebailardy satyp paida tapqysh pysyqailardyń áreketterine quqyqtyq negizde tyiym salý kerek", - deidi Amanjol Áltai.
