Qarjylyq monitoring agenttiginiń Qyzylorda oblysy boiynsha departamenti «HRT» ataýymen belgili qarjy piramidanyń qyzmetin toqtatty, dep habarlaidy Dalanews.kz.
Uiymdastyrýshylar azamattarǵa zańdy investitsiialyq joba retinde usynylǵan shemany jarnamalap, oǵan elektrosamokattardy satyp alý jáne olardy Eýropa elderinde jalǵa berý arqyly paida tabýǵa bolady dep sendirgen.
Jobaǵa qatysý úshin qatysýshylardan arnaiy «HRT» shotyna kriptovaliýta aýdarý talap etilgen.
Negizgi shart – kem degende eki jańa salymshy tartý bolatyn.
200-den astam azamat jobaǵa 50 myńnan 35 myń AQSh dollaryna deiingi qarajattaryn salyp, ai saiyn 1 200 AQSh dollaryna deiin syiaqy alyp otyramyz dep úmittengen.
Zańsyz alynǵan kiristiń jalpy somasy 28 mln teńgeden asty.
Tergeý barysynda kúdiktiler salymshylardyń aqshasyna eki avtokólik – «BMW 530I Xdrive» jáne «Changan Alsvin» satyp alǵany anyqtaldy. Atalǵan kólikterge sot sanktsiiasymen tyiym salyndy.
Kúdiktilerge qatysty úiqamaq retindegi bultartpaý sharasy qoldanyldy.
Sonymen qatar qazirgi ýaqytta «HRT» qarjy piramidasynyń qurylymdyq bólimshelerin elimizdiń jeti óńirinde – Aqtóbe, Almaty, Atyraý, Jambyl oblystarynda, sondai-aq Astana jáne Almaty qalalarynda qurý faktisi boiynsha sotqa deiingi tergep-tekserý júrgizilýde.
QR QPK-niń 201-babyna sáikes ózge málimetter jariialaýǵa jatpaidy.
