Qazaqstannyń jeti fýtbol klýby satylymǵa shyǵarylady, dep habarlaidy Dalanews.kz.
Satylymǵa “Astana”, “Atyraý”, “Ordabasy”, “Turan”, KGP “Shahter”, “Kaspii” jáne AQ “Shahter” klýbtary qoiylmaq.
Buǵan deiin prezident Qasym-Jomart Toqaev fýtbol klýbtary ózderin ózi qarjylandyryp, memlekettik biýdjetke táýeldi bolmaýy keregin aitqan bolatyn.
Eske salaiyq, buǵan deiin memleket basshysy Qasym-Jomart Toqaev Býrabaida ótken Ulttyq quryltaida fýtbol klýbtary ózderin ózi qarjylandyryp, memlekettik biýdjetke táýeldi bolmaýy keregin aitqan bolatyn.
“Salaǵa jaýapty ministrlik, Fýtbol federatsiiasy, jergilikti atqarýshy organdar men kásipkerler klýbtyq fýtboldy kommertsiialandyrýǵa naqty kirisýi kerek. Sheteldik tájiribeni eskerip, klýbtar óz tabysyn tabýy tiis”, – dedi Toqaev.
Sonymen qatar memleket basshysy klýbtardy jekeshelendirýdiń artyqshylyqtaryna toqtalyp, sheteldik sportshylardy tartý máselesin qozǵady.
“Kásipkerler klýbtyq fýtbolǵa biznes retinde qaraýy kerek. Fýtbol klýbtary jekemenshikke ótpeiinshe, bul salada aitarlyqtai ózgeris bolmaidy. Bul – álemdik tájiribe. Eger klýbtar jekeshelense, olar sheteldik oiynshylardy shaqyrý quqyǵyna ie bolady”, – dedi ol.
Prezident sporttyń, ásirese balalar men jasóspirimder arasynda damýynyń mańyzdylyǵyn atap ótip, bul baǵyttaǵy jumysty kúsheitý qajettigin aitty.
“Memleket qoldaýynyń nátijesinde balalar sporty qarqyndy dami bastady. Biraq bul jetkiliksiz. Biznes ókilderi óskeleń urpaqty sportqa baýlý isine belsendi atsalysýy qajet”, – dedi Toqaev.
