Qazaqstannyń arnaıy maqsattaǵy bólimsheleri komandalary UAE SWAT Challenge (Dýbaı, BAÁ) halyqaralyq týrnıriniń birinshi kúnin jeńispen aıaqtady, dep habarlaıdy Dalanews.kz

48 memlekettiń 109 arnaıy jasaq komandalary ishinen top jarǵan elimizdiń tórt komandasy da úzdik ondyq quramynda.
Kazakhstan C komandasy týrnır kestesinde birinshi tur. Ekinshi orynda - Kazakhstan D. Kazakhstan V týrnır kestesinde tórtinshi orynda tur. Kazakhstan A onynshy orynda.
Elimizdiń Tomiris qyzdar komandasy jalpy esepte 20-orynda, bul áıelder arasyndaǵy úzdik kórsetkish.

Komandalar quramynda bir tý astyna QR Memlekettik kúzet qyzmeti, QR Ulttyq qaýipsizdik komıteti, QR İshki ister mınıstrligi arnaıy maqsattaǵy bólimsheleriniń úzdik jaýyngerleri birikken. Bes kúndik saıystan turatyn týrnır 11 aqpanda aıaqtalady. Komandalarymyzǵa qalǵan kezeńderden de sátti ótip, jeńispen oralýdy tileımiz.