"Parazitter" osynaý syily júldeniń tarihyndaǵy "Oskardy" jeńip alǵan, shet tilde túsirilgen alǵashqy týyndy.
Filmdi túsirgen Pon Chjýn Ho "Úzdik rejisser" atandy.
Byltyrǵy jyldyń mamyrynda "Parazitter" Kann festivalinde úzdik shyqqan bolatyn.
Odan beride Gollivýdtyń "Altyn globýsyn" aldy, Britaniianyń kino jáne teleóner akademiiasy da káris filmin shet tilde túsirilgen úzdik film dep tanydy. Al Amerikanyń kinoakterler qaýymdastyǵy "Parazitterge" úzdik akterlik quramy úshin premiia tabystady.
Káris filmi kórermender men synshylar tarapynan da oń baǵalandy.
Kino jelisi men akterlik quramnyń sheberligi bite qainasqan týyndy ómirden ózinen alynǵan.
"Seýlde jertólede ómir súretin keiipkerdiń ǵumyry bútin bir kinoǵa arqaý boldy", – deidi rejisser Pon Chjýn Ho.
Bai men kedeidiń arasyndaǵy teńsizdikti, áleýmettik ádiletsizdikti, joqshylyqty, shetelge elikteýshilikti jáne sol arqyly jalpy qoǵamdyq-saiasi júiedegi olqylyqty jantúrshiktirer horror jáne astarly ázilmen astastyryp kórsetken kinokartina Qazaqstandaǵy "Eýraziia kinofestivalinde" baq synaǵan edi.
Qazaqstannan qanjyǵasyn mailap qaitpaq bolǵan "Parazitter" Koreiaǵa qur alaqan oralady. Káris filmi baiqaýdaǵy báigege talasatyn 12 týyndynyń ishine kirgen.
"Eýraziia" kinofestivalinde qazaqstandyq rejisser Farhad Sháriptovtyń "Tulǵalyq ósý treningi" filmi bas júlde aldy. Film orys tilinde túsirilgen. Basty rólde tanymal akter – Dýlyǵa Aqmolda oinaidy.
