Jyl basynan beri 9 586 etnikalyq qazaq tarihi Otanyna oralyp, qandas mártebesin aldy. 1991 jyldan beri respýblikaǵa jalpy 1 mln 157,6 myń qazaq oralǵan, dep habarlaidy Dalanews.kz.
Qandastardyń kelý geografiiasy:
- 45,7% – Ózbekstannan,
- 41,8% – Qytaidan,
- 4,6% – Túrikmenstannan,
- 2,7% – Mońǵoliiadan,
- 2,6% – Reseiden,
- 2,6% – ózge elderden.
Jas ereksheligi men bilim deńgeii:
2025 jylǵy 1 qyrkúiektegi málimet boiynsha:
- 58,7%-y – eńbekke qabiletti jasta,
- 32,3%-y – balalar men jastar,
- 9%-y – zeinetkerler.
Eńbekke jaramdylardyń ishinde:
- 15,4%-y – joǵary bilimdi,
- 29,7%-y – arnaýly orta bilimdi,
- 52,3%-y – jalpy orta bilimdi,
- 2,6%-ynyń bilimi joq.
Qonystandyrý óńirleri men kvota:
Qandastar negizinen eńbek kúshi tapshy aimaqtarǵa – Aqmola, Abai, Qostanai, Pavlodar, Atyraý, Batys Qazaqstan, Shyǵys Qazaqstan jáne Soltústik Qazaqstan oblystaryna ornalastyryldy.
2025 jylǵa arnalǵan qandastar kvotasy – 2 309 adam. Onyń ishinde 1 qyrkúiekke deiin 1 467 qandas elge qonystandy.
Memlekettik qoldaý:
- kóshýge – ár otbasy múshesine 70 AEK (275,2 myń teńge) kóleminde birjolǵy tólem,
- turǵyn úi jaldaý jáne kommýnaldyq shyǵyndarǵa – jylyna 15–30 AEK (58,9–117,9 myń teńge).
Jyl basynan beri 594 qandas áleýmettik qoldaýǵa ie bolyp, olardyń 237-si turaqty jumyspen qamtyldy.
Qosymsha yntalandyrý sharalary:
Erikti qonys aýdarýdy arttyrý úshin jumys berýshilerge qoldaý tetikteri engizildi. Sonymen birge, ekonomikalyq utqyrlyq sertifikaty qarastyrylǵan. Ol turǵyn úi satyp alý nemese salý, sondai-aq ipotekanyń bastapqy jarnasyn jabýǵa múmkindik beredi. Sertifikat otbasyǵa úi qunynyń 50%-yna deiin, iaǵni 4,56 mln teńgege deiin qaitarymsyz beriledi.
