Qazaqstanda 2025–2026 jylǵy jylytý maýsymynyń qorytyndysy boiynsha turǵyndarǵa jylý úshin tólengen 1,2 mlrd teńgeden astam qarjy qaita esepteý arqyly qaitarylady. Bul týraly Tabiǵi monopoliialardy retteý komiteti habarlady, dep habarlaidy dalanews.kz.
Qaita esepteý jylý energiiasyn esepteitin qurylǵylary joq tutynýshylar úshin syrtqy aýa temperatýrasynyń naqty kórsetkishteri negizinde júrgizilgen. Qaitarylatyn soma tutynýshylardyń jeke shottarynda avans (saldo) retinde jeke jolmen kórsetiledi.
Eń kóp qarajat Astana turǵyndaryna qaitarylady. Elordada qaita esepteý nátijesinde 460,67 mln teńge turǵyndardyń paidasyna eseptelgen. Al Shyǵys Qazaqstan oblysynda bul kórsetkish 298,56 mln teńgeni qurady.
Óńirler boiynsha qaitarylatyn qarjy kólemi:
- Astana – 460,67 mln teńge;
- Almaty – 57,77 mln teńge;
- Shymkent – 38,5 mln teńge;
- Abai oblysy – 270 myń teńge;
- Almaty oblysy – 12,7 mln teńge;
- Aqmola oblysy – 13,98 mln teńge;
- Atyraý oblysy – 22,09 mln teńge;
- Aqtóbe oblysy – 11,03 mln teńge;
- Shyǵys Qazaqstan oblysy – 298,56 mln teńge;
- Jambyl oblysy – 26,06 mln teńge;
- Batys Qazaqstan oblysy – 1,82 mln teńge;
- Qostanai oblysy – 25,69 mln teńge;
- Qyzylorda oblysy – 42,21 mln teńge;
- Mańǵystaý oblysy – 161,6 mln teńge;
- Pavlodar oblysy – 29,11 mln teńge;
- Soltústik Qazaqstan oblysy – 14,59 mln teńge;
- Túrkistan oblysy – 370 myń teńge.
Al Qaraǵandy, Ulytaý jáne Jetisý oblystarynda jeke qaita esepteý júrgizilgen joq. Sebebi bul óńirlerde jylý qyzmetiniń quny bastapqydan-aq naqty aýa temperatýrasy eskerilip eseptelgen. Komitettiń málimetinshe, Astanada da esepteý naqty temperatýraǵa negizdelgen. Alaida jylytý maýsymy kezinde aýa raiynyń ózgerýine bailanysty tólemder ai saiyn túzetilip otyrǵan.
Aita keteiik, 2024–2025 jylǵy jylytý maýsymynyń qorytyndysynda jylý energiiasyn esepteý quraldary joq tutynýshylarǵa shamamen 1,5 mlrd teńge qaitarylǵan bolatyn.
