Qazaqstandyqtarǵa Ebola bezgegi tirkelgen Afrika elderine barmaýǵa keńes berildi, dep habarlaidy dalanews.kz.
Mamandardyń málimetinshe, Ebola – óte qaýipti ári aýyr ótetin virýstyq aýrýlardyń biri. Virýs adamǵa aýrý juqtyrǵan janýarlardan nemese naýqas adamdardan berilýi múmkin. Ol qan, biologiialyq suiyqtyqtar jáne virýs juqqan zattar arqyly taralady. Aýrýdyń jasyryn kezeńi 2 kúnnen 21 kúnge deiin sozylady.
Ebola bezgeginiń negizgi belgileri – dene qyzýynyń kóterilýi, álsizdik, bas jáne bulshyqet aýrýy, qusý, ish ótý, terige bórtpe shyǵýy jáne qan ketý.
Al aýrý tirkelgen elderge barýǵa májbúr azamattarǵa saqtyq sharalaryn qatań saqtaý usynyldy. Atap aitqanda, jabaiy janýarlarmen, onyń ishinde primattar men jarqanattarmen bailanysqa túspeý, jabaiy ańdar satylatyn bazarlarǵa barmaý, tek qaýipsiz aýyz sý paidalaný jáne tolyq termiialyq óńdeýden ótken taǵamdardy tutyný qajet. Sondai-aq jeke bas gigienasyn saqtaý mańyzdy.
Mamandar shetelden oralǵannan keiin 21 kún ishinde dene qyzýy kóterilip, bas aýrýy, bórtpe, qusý, ish ótý sekildi belgiler baiqalsa, dereý dárigerge qaralyp, jaqynda shetelde bolǵanyn mindetti túrde habarlaý keregin eskertti.
