Qazaqstandyqtardyń quqyq qorǵaý organdaryna degen senim deńgeıi belgili boldy. Finprom sarapshylary 2024 jyldyń qazan-qarasha aılarynda júrgizilgen saýalnama nátıjelerin jarıalady, dep habarlaıdy Dalanews.kz.
Saýalnama qorytyndysy boıynsha:
Órt sóndirý qyzmetine azamattardyń 80,4%-y senim bildiredi,
Prokýratýraǵa – 66,1%,
Polısıaǵa – 64,3%,
Sot júıesine – 62%,
Sybaılas jemqorlyqqa qarsy qyzmetke – 52,2%,
Ekonomıkalyq tergep-tekserý qyzmetine senim bildiretinder nebári 48,3% boldy.
Saýalnamaǵa qatysqandardyń bir bóligi bul mekemelerge ishinara senetinin aıtqan.
Máselen:
Órt sóndirý qyzmetine – 16,8%,
Prokýratýraǵa – 25%,
Polısıaǵa – 26,9%,
Sot júıesine – 27,1%,
Antıkorǵa – 29,8%,
Ekonomıkalyq tergeý qyzmetine – 29,9% ishinara senim bildiredi.
Al múldem senbeıtinder úlesi az bolǵanymen, alańdaýshylyq týdyrady:
Órt sóndirýshilerge – 0,6%,
Prokýrorlarǵa – 2,5%,
Polısıaǵa – 3,4%,
Sottarǵa – 2,7%,
Antıkorǵa – 3,6%,
Ekonomıkalyq tergeý qyzmetine – 3,1%.
Memlekettik qyzmetshiler arasyndaǵy qylmystar
2025 jyldyń alǵashqy bes aıynda tirkelgen qyzmettik qylmystardyń 58,7%-y, ıaǵnı 122 jaǵdaı, İİM qyzmetkerlerine tıesili. Bul ótken jylmen salystyrǵanda 6 jaǵdaıǵa az (−4,7%).
Budan bólek:
KNB qyzmetkerleri – 16 jaǵdaı,
Qylmystyq-atqarý júıesi jáne áskerıler – árqaısysy 11 jaǵdaıdan,
Ákimder men sot oryndaýshylary – árqaısysy 4 jaǵdaıdan,
Prokýratýra jáne ekonomıkalyq tergeý qyzmeti – 3 jaǵdaıdan,
Tótenshe jaǵdaılar jáne sot organdarynyń ókilderi – bir-bir jaǵdaıdan.
Eń jıi kezdesetin qylmystar
Memlekettik qyzmetshiler jıi tap bolatyn baptar qatarynda:
Para alý – barlyq jaǵdaılardyń 25%-yn quraıdy (52 jaǵdaı). Bul byltyrǵydan 14,8% kóp.
Senip tapsyrylǵan múlikti ıemdený nemese ysyrap etý – 40 jaǵdaı.
Alaıaqtyq – 38 jaǵdaı.
Qyzmettik ókilettigin asyra paıdalaný – 23 jaǵdaı.
Para berý – 7 jaǵdaı.
Óńirlik kórsetkishter
Memlekettik qyzmetshiler jasaǵan qylmystar eń kóp tirkelgen óńir – Shymkent (21 jaǵdaı). Degenmen bul aldyńǵy jylǵy 26 jaǵdaımen salystyrǵanda 19,2%-ǵa azaıǵan.
Kelesi oryndarda:
Túrkistan oblysy – 17 jaǵdaı,
Aqmola oblysy – 15 jaǵdaı.
Al eń az quqyqbuzýshylyq tirkelgen aımaqtar:
Batys Qazaqstan oblysy,
Soltústik Qazaqstan oblysy,
Mańǵystaý oblysy.
