Қазақстандықтардың құқық қорғау органдарына деген сенім деңгейі белгілі болды. Finprom сарапшылары 2024 жылдың қазан-қараша айларында жүргізілген сауалнама нәтижелерін жариялады, деп хабарлайды Dalanews.kz.
Сауалнама қорытындысы бойынша:
Өрт сөндіру қызметіне азаматтардың 80,4%-ы сенім білдіреді,
Прокуратураға – 66,1%,
Полицияға – 64,3%,
Сот жүйесіне – 62%,
Сыбайлас жемқорлыққа қарсы қызметке – 52,2%,
Экономикалық тергеп-тексеру қызметіне сенім білдіретіндер небәрі 48,3% болды.
Сауалнамаға қатысқандардың бір бөлігі бұл мекемелерге ішінара сенетінін айтқан.
Мәселен:
Өрт сөндіру қызметіне – 16,8%,
Прокуратураға – 25%,
Полицияға – 26,9%,
Сот жүйесіне – 27,1%,
Антикорға – 29,8%,
Экономикалық тергеу қызметіне – 29,9% ішінара сенім білдіреді.
Ал мүлдем сенбейтіндер үлесі аз болғанымен, алаңдаушылық тудырады:
Өрт сөндірушілерге – 0,6%,
Прокурорларға – 2,5%,
Полицияға – 3,4%,
Соттарға – 2,7%,
Антикорға – 3,6%,
Экономикалық тергеу қызметіне – 3,1%.
Мемлекеттік қызметшілер арасындағы қылмыстар
2025 жылдың алғашқы бес айында тіркелген қызметтік қылмыстардың 58,7%-ы, яғни 122 жағдай, ІІМ қызметкерлеріне тиесілі. Бұл өткен жылмен салыстырғанда 6 жағдайға аз (−4,7%).
Бұдан бөлек:
КНБ қызметкерлері – 16 жағдай,
Қылмыстық-атқару жүйесі және әскерилер – әрқайсысы 11 жағдайдан,
Әкімдер мен сот орындаушылары – әрқайсысы 4 жағдайдан,
Прокуратура және экономикалық тергеу қызметі – 3 жағдайдан,
Төтенше жағдайлар және сот органдарының өкілдері – бір-бір жағдайдан.
Ең жиі кездесетін қылмыстар
Мемлекеттік қызметшілер жиі тап болатын баптар қатарында:
Пара алу – барлық жағдайлардың 25%-ын құрайды (52 жағдай). Бұл былтырғыдан 14,8% көп.
Сеніп тапсырылған мүлікті иемдену немесе ысырап ету – 40 жағдай.
Алаяқтық – 38 жағдай.
Қызметтік өкілеттігін асыра пайдалану – 23 жағдай.
Пара беру – 7 жағдай.
Өңірлік көрсеткіштер
Мемлекеттік қызметшілер жасаған қылмыстар ең көп тіркелген өңір – Шымкент (21 жағдай). Дегенмен бұл алдыңғы жылғы 26 жағдаймен салыстырғанда 19,2%-ға азайған.
Келесі орындарда:
Түркістан облысы – 17 жағдай,
Ақмола облысы – 15 жағдай.
Ал ең аз құқықбұзушылық тіркелген аймақтар:
Батыс Қазақстан облысы,
Солтүстік Қазақстан облысы,
Маңғыстау облысы.
