Qazaqstandyqtar áskerde múgedek bolyp qalǵan sarbaz Erbaian Muhtarǵa 140 mln jinap berdi, - dep habarlaidy Dalanews.kz.
Bul týraly Erbaiannyń jaqyndary sarbazǵa ashylǵan paraqshada habarlady. Erbaiannyń jaqyndary aqsha jinaýdy toqtama ma, álde joq pa ázirge belgisiz. Sebebi sarbazdy shetelge jetkizý úshin qajet sanaviatsiia 25-60 million aralyǵynda aqsha suraýy múmkin.
Onyń ústine sarbaz áli qansha ýaqyt em qabyldap jatatyny da, klinika qansha soma suraityny belgisiz.
Áskerde júrip, bas-mi jaraqatyn alǵan sarbaz Erbaian Muhtar 6 aidan beri komada jatyr. QR IIM Ulttyq ulanynyń baspasóz qyzmeti sarbazdyń densaýlyǵyna qatysty resmi málimdeme jasaǵan bolatyn.
Ulttyq ulannyń habarlaýynsha, qatardaǵy Erbaian Muhtardyń bas jaraqatyn alý faktisi boiynsha QR QK 440-baby 4-tarmaǵynyń 3-bóligine sai qylmystyq is qozǵalǵan. Bul jerde áskeri qyzmetshiler arasyndaǵy ózara qarym-qatynastardyń jarǵylyq erejelerin buza otyryp, densaýlyqqa aýyr ziian keltirgeni másele bolyp otyr.
"Qazirgi ýaqytta barlyq qajetti saraptamalar taǵaiyndaldy. Sotqa deiingi tergeý jalǵasyp jatyr. Tergeý barysy QR IIM ÁTD basshylyǵynyń baqylaýynda. Qatardaǵy jaýynger E.Muhtardyń ata-anasynyń talaby boiynsha ońaltý em-sharalary aiaqtalǵannan keiin úiine shyǵarylǵanyn habarlaimyz. Sonymen qatar, Densaýlyq saqtaý ministrliginiń emdeý mekemesi QR IIM Ulttyq ulanynyń áskeri-meditsinalyq basqarmasymen birlesip oǵan múgedektikti resimdeý boiynsha kómek kórsetedi", - delingen resmi habarlamada.
Budan bólek, QR IIM Ulttyq ulanynyń Bas qolbasshylyǵy Resei Federatsiiasynyń V. M. Behtereva atyndaǵy psihiatriia jáne nevrologiia Ulttyq meditsinalyq zertteý ortalyǵyna, S. M. Kirov atyndaǵy Áskeri-meditsinalyq Akademiiasyna jáne Professor A. L. Polenov atyndaǵy Resei ǵylymi-zertteý neirohirýrgiialyq institýtyna, sondai-aq konsýltatsiialyq kómek berý jáne aýrýhanaǵa jatqyzý máselesin qarastyrý úshin Túrkiia elshiligine hat joldaǵany belgili boldy.
