Ulttyq statistika biýrosy qazaqstandyqtardyń 2023 jyldyń sońǵy toqsanyndaǵy shyǵyny týraly derek jariialap, halyq aqshasynyń basym bóligin ne nársege kóbirek jumsaǵanyn anyqtap kórdi, dep habarlaidy Dalanews.kz.
Ulttyq statistika biýrosynyń aqparaty boiynsha, 2023 jyldyń IV toqsanynda bir qazaqstandyqtyń shyǵyny 277 202 teńge nemese aiyna 92,4 myń teńge bolǵan. Bul ótken jylǵy osy kezeńmen salystyrǵanda 12,3% joǵary.
Qazaqstandyqtar aqshasynyń kóp bóligin azyq-túlikke jumsaityn bolyp shyqty – toqsanyna 142 169 teńge. Azyq-túlikke jatpaityn taýarlarǵa 66 268 teńge, aqyly qyzmetterge 48 250 teńge jaratqan.
Azyq-túlik pen alkogolsiz sýsyndarǵa bir qazaqstandyq 129 953 teńge tóleidi eken. Al syrttan tamaqtanýǵa 6070 teńge, alkogoldik sýsyndarǵa 1766 teńge, temeki ónimderine 3970 teńge jumsaidy.
Ortasha alǵanda elimizdiń bir turǵyny toqsanyna 14 819 teńgeni nesie men qaryzdy óteýge, 5362 teńgeni alimentke, 334 teńgeni salyq pen basqa da tólemderge jaratady.
Shyǵyny eń kóp elorda turǵyndary bolyp shyqty. Bir astanalyq toqsan ishinde 366 345 teńge jumsaǵan, iaǵni bul aiyna – 122 115 teńge. Odan keiingi orynda almatylyqtar men Qaraǵandy oblysynyń turǵyndary tur.
