Qazaqstan Respýblıkasy Atom energıasy jónindegi agenttigi Almaty oblysynyń Jambyl aýdanynda salynýy josparlanǵan atom elektr stansıasyna ataý berý boıynsha jalpyhalyqtyq konkýrsty uıymdastyrý jumystaryna kiristi, dep habarlaıdy Dalanews.kz.
Qazaqstan Respýblıkasy Prezıdentiniń usynysyna sáıkes, Agenttiktiń buıryǵymen 29 tamyzǵa deıin konkýrsty ótkizý algorıtmin jáne onyń merzimderi men usynystardy qabyldaý jáne qaraý tártibin qamtıtyn erejeler jobasyn ázirleý tapsyrylǵan jumys toby quryldy.
Sondaı-aq quramyna qoǵam ókilderi, kreatıvtik ındýstrıa mamandary, atom energetıkasy, fılologıa jáne tarıh salalarynyń sarapshylary kiretin konkýrstyq komısıa qurý júkteldi.
Agenttik sonymen qatar, buqaralyq aqparat quraldary men resmı baılanys arnalaryn paıdalana otyryp, aqparattyq-túsindirý naýqanyn júrgizedi.
