Qazaqstandyq stýdentterdiń AQSh-ta bilim alý kórsetkishi keiingi ýaqytta tómendei bastaǵan. Buǵan vizalyq rásimdeýdiń kúrdelenýi áser etip otyr. Bul týraly Ǵylym jáne joǵary bilim ministri Saiasat Nurbek málimdedi, dep habarlaidy Dalanews.kz.
Onyń sózinshe, "Bolashaq" baǵdarlamasy arqyly irikteýden ótip, sheteldik ýniversitetterge qabyldanǵan talapkerlerdiń shamamen 30 paiyzy viza alý kezinde qiyndyqqa tap bolyp, keri jaýap alady.
Ministrdiń aitýynsha, mundai jaǵdaida stýdentterdi balama oqý oryndaryna nemese basqa elderge baǵyttaýǵa týra keledi.
"Sol sebepti biz olardy ózge ýniversitetterge nemese basqa memleketterge aýystyramyz. Osyǵan bailanysty AQSh-qa baratyn stýdentter sanynyń azaiý úrdisi baiqalady", – dedi ol.
Sonymen qatar Saiasat Nurbek Qazaqstannyń ózi halyqaralyq bilim berý ortalyǵyna ainalyp kele jatqanyn atap ótti. Ásirese sońǵy geosaiasi jaǵdailarǵa bailanysty Taiaý Shyǵys elderinen keletin stýdentter sany artyp otyr.
