Aqmola oblystyq prokýratýrasynyń júrgizgen tekserisi barysynda aýdandardyń birinde memlekettik mekeme basshysynyń eki jyl boiy jetim balaǵa bólingen páterde turyp kelgeni belgili boldy, - dep habarlaidy Dalanews.kz 31-arnanyń Informbiýro jańalyqtar qyzmetine silteme jasap.
Qadaǵalaýshy organnyń tekserisi nátijesinde jetim jáne ata-anasynyń qamqorlyǵynsyz qalǵan balalardyń turǵyn úi alý quqyǵy jii buzylatyny áshkere boldy. Zańǵa sáikes, jetim balalarǵa baspana berý kezinde erekshe basymdyq beriledi. Alaida Kókshetaýda bir jetim balanyń ótinishi negizsiz keri qaitarylyp, turǵyn úi alý kezegine qoiylmaǵany anyqtalǵan.
«Júrgizilgen tekseristiń nátijesinde 42 jetim jáne ata-anasynyń qamqorlyǵynsyz qalǵan balanyń turǵyn úi alý quqyqtary qalpyna keltirildi», – dedi Aqmola oblysy prokýrorynyń kómekshisi Maqsat Suraǵanov.
Onyń aitýynsha, zańsyz paidalanylǵan páterler memleket menshigine qaitarylyp, kezekten shyǵarylǵan balalar qaita tirkeýge alyndy. Sondai-aq turǵyn úi alýǵa arnalǵan ótinishterdiń negizsiz qabyldanbaýy sekildi ózge de zań buzýshylyqtar boiynsha tiisti sharalar júzege asyrylǵan.
