Qazaqstandyqtardyń Dýbaidaǵy úii týraly zertteý jariia boldy. Materialdy "Azattyq" tilshileri daiyndaǵan. Redaktsiia birinshi bólimde birneshe qazaqstandyqtyń Dýbaidaǵy úiine sholý jasaǵan, - dep habarlaidy Dalanews.kz.
"Mańǵystaý munai gaz" kompaniialaryna jetekshilik etken, ári Mańǵystaý oblysyn basqarǵan Alik Aidarbaev Palm Jumeirah aralyndaǵy Kempinski saraiynan 165 sharshy metr eki bólmeli páterdiń iesi. Páter baǵasy jarnama saittarynda kemi 600 million teńge dep tur.
Azattyq málimetinshe,Aidarbaev bul páterdi "Qazmunaigaz" basshylyǵynan ketken kezde, iaǵni 2022 jyly satyp alǵan. Al Alik Aidarbaevtyń týǵan inisi Erjan Aidarbaev Dýbaidyń ortalyǵynan úsh apartament satyp alǵan. Olardyń jalpy quny 660 million teńge.
"Qaztransgazdy" birneshe jyl basqarǵan Serik Sultanǵali Dýbaidaǵy DAMAC Hills villa qalashyǵyndaǵy páterdiń iesi. Úidiń aýmaǵy 647 sharshy metr.
Serik Sultanǵali páter satyp alǵan villa qalashyǵynda kúzet te kúsheitilgen.
Sonymen qatar, osy villa qalashyǵyna kórshi turǵan Arabian Ranches qalashyǵynda "Torǵai Petroleým", "Qarajanbasmunai", "Embimunaigaz" kompaniialarynyń prezidenti bolǵan Esen Qaiyrjannyń da villasy bar. Aýmaǵy 600 sharshy metr bolatyn mundai páterdiń naryqtaǵy quny shamamen 1,2 milliard teńge.
Munai salasynda 40 jyldan asa qyzmet etken Málik Sálimgereevtiń de Dýbaida múlki bar. Qujattarǵa sáikes, ol taýnhaýstan eki apartament alǵan.
Sonymen qatar, Serik Estai esimdi qazaqstandyq álemdegi eń biik ǵimarat Býrj Halifanyń janynda ornalasqan turǵyn úiden 7 apartament satyp alypty. Olardyń eń arzany 150 million bolsa, eń úlken úii 450 million teńgege deiin barady.
7 úidiń quny - 1,8 milliard teńge. Serik Estai "Qaztransgaz" qurylymdarynda basshylyq qyzmet atqarǵan.
Palm Jumeirah aralyndaǵy taǵy páterdiń iesi - Qazaqstan azamaty Panýar Omarova. Aýmaǵy 620 sharshy metr úidiń quny shamamen 3 milliard teńge.
39 jastaǵy Panýar Omarova "Qazmunaigaz" ónimderi kompaniiasynyń Shymkenttegi munai óńdeý zaýytyn basqarǵan, keiin Pavlodardaǵy munai óńdeý zaýytynyń basqarma múshesi bolǵan Asylbek Káribaevtyń áieli.
Dýbaidyń taǵy bir qymbat aýdanynda ondaǵan munaishy men olardyń otbasyna tiesili úiler bar.
