Qazaqstanǵa halyqaralyq missiia quramynda kelgen Armeniia Respýblikasynyń Ortalyq sailaý komissiiasynyń tóraǵasy Vaagn Ovakimian respýblikalyq referendým barysy týraly óz áserin bólisti, dep habarlaidy Dalanews.kz.
"Biz úshin eń bastysy – basqa elderde sailaý men referendýmdardyń qalai uiymdastyrylatynyn kórý. Bir-birimizdiń tájiribelerimizdi zerttep, qandai tiimdi tásilderdi qoldanýǵa bolatynyn saralaimyz. Bul – dostyq ári kásibi tájiribe almasý", – dedi ol.
Baqylaýshy ásirese sailaý ýchaskelerindegi uiymdastyrý jumystaryna nazar aýdardy.
"Men barǵan barlyq ýchaskede memlekettik rámizder – tý, eltańba, sondai-aq azamattarǵa arnalǵan aqparattyq buryshtar qoiylǵan. Armeniiada mundai buryshtar mektepterde bar. Al munda olardyń áldeqaida júieli uiymdastyrylǵanyn kórdim. Bul biz úshin óte qyzyqty ári paidaly tájiribe", – dep atap ótti ol.
Sondai-aq Vaagn Ovakimian daýys berý barysynda bári tynysh ári rettelgen ekenin de jetkizdi.
"Daýys berý protsesi birqalypty ótýde, azamattar erkin ári senimdi túrde daýys berip jatyr. Barlyǵy ár adamǵa qolaily ári jeńil qatysýǵa múmkindik beretindei uiymdastyrylǵan. Mundai protsesti baqylaý – tájiribe jinap, úirenýdiń jaqsy múmkindigi. Bul – referendýmdy joǵary deńgeide uiymdastyryp, azamattarǵa qurmet kórsetýdiń aiqyn úlgisi. Qazaqstanǵa beibitshilik, birlik jáne turaqty damý tileimin", – dedi ol.
