Forým jumysyna QR «Atameken» UKP basqarma tóraǵasynyń orynbasary Nurjan Áltaev, «Qazaqstan Damý banki» AQ tóraǵasy Bolat Jámishev bastaǵan damý institýttary men ekinshi deńgeili bankter men kásipkerlerden quralǵan 150- ge jýyq adam qatysty.
Biznes-forým barysynda óńirdiń investitsiialyq jobalary, invest preferentsiialar men týristik ónimderdiń tanystyrylymy ótti. Kezdesýdiń basty maqsaty – Ońtústiktiń investitsiialyq múmkindikterin tanystyra otyryp, óńirge investitsiia tartý. Osy arqyly oblys ekonomikasyn damytý jáne týristerdi kóptep shaqyrý.
– Ózderińizge belgili, álemde sapaly azyq-túlik ónimine degen suranys jyl saiyn artyp keledi. Tutynýshy sapa men qaýipsizdikti talap etedi. Bul turǵyda Qazaqstanǵa Resei, Qytai, Iran jáne basqa da elder sekildi jańa naryq ashylýda. Osy naryqty igerýde Ońtústik Qazaqstan oblysynyń áleýeti zor. Sebebi, tarihi ólkeniń agrarly salasy jaqsy damyǵan. Sońǵy 3 jylda jinalǵan baqsha ónimderiniń kólemi 1 million tonnadan asyp túsedi. Qazaqstandaǵy jylyjaidyń 90 paiyzy bizdiń óńirde ornalasqan. Maqta tolyǵymen, al júzim men baqsha ónimderiniń 70 paiyzy osy oblysta ósiriledi, – dedi oblys ákimi J.Túimebaev.
Forým aiasynda sóz alǵan «KAZAKH INVEST» UQ» AQ basqarma tóraǵasynyń orynbasary Meiirjan Maikenov Qazaqstannyń investitsiialyq klimaty jóninde baiandama jasady.
Biznes-forým aiasynda 6 memorandýmǵa qol qoiyldy. Solardyń alǵashqysy bop «Shymkent» «Áleýmettik-kásipkerlik korporatsiia» Ulttyq kompaniiasy» Aktsionerlktsionerlik qoǵamy Qytaidyń Anhoi provintsiiasy halyqaralyq saýda qatynasyn damytý komitetimen ekijaqty túsinistik jóninde memorandýmǵa qol qoidy. Sondai-aq dál osy kompaniia «NG–Energo» AAQ-men áriptestik arttyrý jóninde kelisimge keldi. Eki tarap aldaǵy ýaqytta ózara qarym- qatynasty damyta túspek.
Aita keteiik, jalpy oblysqa osy jyly 229,9 mlrd. teńge investitsiia tartylyp, bul ótken jyldyń tiisti kezeńimen salystyrǵanda 31,5 paiyzǵa ósip, respýblikadaǵy úlesiniń 5,7 % quraǵan. Óńirge kóptep investitsiia tartý maqsatynda jyl basynan beri shetel investorlarymen 40-tan asa iskerlik kezdesýler uiymdastyryldy. Nátijesinde BAÁ – meditsinalyq buiymdar jáne dárilik zattar shyǵaratyn zaýyt salý, Resei elimen – Evro-5 standartyna sai janar-jaǵarmai óndiretin munai óńdeý zaýytyn salý, al Qytai elimen birlese bioetalon, fosfor tyńaitqyshyn shyǵaratyn jáne 200 MVt kún elektr stantsiiasy qurylystaryn júrgizý boiynsha kelisimderge qol qoiylǵan.
OQO ákiminiń baspasóz qyzmeti
