Saiasattanýshy Edýard Poletaev bul tarapta: «bul baǵytta naqty ǵylymi kooperatsiialar qurý kerek. Bular óz kezeginde odaqtyq memleketterdiń ǵylymi áleýetin biriqtirýge jol ashady dep oilaimyn» degen pikir bildirdi.
Onyń aitýynsha, munai aiaqtalyp keledi. Bul óz kezeginde qara altynǵa táýeldi bolyp otyrǵan Qazaqstan, Resei siiaqty elder úshin úlken synaq.
Al sarapshy Zamir Qarajanovtyń pikirinshe, biz innovatsiia týraly kóp aitamyz. Alaida onyń qaidan keletinin, qalai jasalatynyn túsine bermeimiz.
«Tehnologiialyq damý bolmai damyǵan elderdiń sońyna ilese almaimyz. Osyny túsiný qajet. Bir kezderi innovatsiialar jai ǵana maqtanyp qalýdyń joly edi, al qazirgi kúni qajettilikke ainaldy», – dedi ol.
Óz kezeginde jýrnalist Vladislav Iýritsyn postkeńestik keńistiktegi innovatsiialardyń negizi baǵyty – áskeri sala ekenin tilge tiek etti.
«Alaida innovatsiiany damytý úshin infraqurylymnyń bolýy qajet. Al infraqurylym bolý úshin bul salany joǵary bilikti mamandarmen qamtamasyz etýimiz kerek.
Al bul úshin bilim sapasy joǵary bolǵany shart. Ókinishke orai qazirgi tańda bilim salasy aqsap tur» dedi Iýritsyn.
Otyrysty túiindegen ǵalym Dáýren Ábenniń aitýynsha bar másele ǵylym salasyn qarjylandyrýda jatyr.
Mundai mańyzdy saladaǵy qarjy kóziniń azdyǵy óz kezeginde ǵalymdardyń jańa dúnie jasaýǵa degen yntasyn tómendetýde.
«Ǵylym salasyna qarjy bólgende de kóp jaǵdaida ádilettik saqtala bermeidi. Qarajattyń edáýir bóligi ataǵy dardai ýniversitetke ketedi de, qalǵandary qazannyń túbin qyryp qalady» dedi.
