Qazaqstandaǵy eń tıimsiz memlekettik kompanıalar tizimi shyqty, dep habarlaıdy Dalanews.kz Bes.media-ǵa siltep. 

2024 jyldyń úshinshi toqsanynda Qazaqstandaǵy memlekettik kásiporyndardyń rentabeldiligi 13,3%-ǵa deıin tómendedi. Bul ekinshi toqsandaǵy 27,7%-ben salystyrǵanda kúrt quldyraý, ári sońǵy tórt jyldaǵy eń tómengi kórsetkish boldy.

• Prodkorporasıa – 2024 jyldyń toǵyz aıyndaǵy shyǵyn 15,5 mlrd teńge.
• Ulttyq agrarlyq ǵylymı-bilim berý ortalyǵy – 2022 jáne 2023 jyldardyń alǵashqy jartyjyldyǵyndaǵy shyǵyn 1,4 mlrd teńge.
• Qazmedıa ortalyǵy – 2023 jylǵy shyǵyn 1,5 mlrd teńge.
• “Qazaqstan Injınırıń” – 2022 jyldyń sońyndaǵy shyǵyn 9,2 mlrd teńge.
• “Astana Opera” memlekettik opera jáne balet teatry – 2023 jylǵy shyǵyn 1,1 mlrd teńge.
• “Qazaqfılm” – 2023 jylǵy shyǵyn 761 mln teńge.
• Ulttyq ǵaryshtyq zertteýler ortalyǵy – 2023 jyldyń qorytyndysy boıynsha shyǵyn 475 mln teńge.
• Memlekettik radıojıilik qyzmeti – 2022 jylǵy shyǵyn 183 mln teńge.

Kompanıalar qarjylyq eseptilikti kelesi jyldyń ortasynda jarıalaıdy, keıbireýleri toqsan saıyn esep beredi. Sondyqtan bul reıtıń eń ózekti ashyq derekter negizinde jasalǵan. Alaıda, osyndaı antıreıtıng 2023 jyly da baıqalǵan.