"Rosatom" baspasóz qyzmeti London salǵan sanktsiialarǵa qatysty túsinikteme berdi, dep habarlaidy Dalanews.kz.
"Rosatom" kez kelgen birjaqty shekteýlerdi halyqaralyq quqyq turǵysynan zańsyz dep esepteidi. Beibit atom salasyndaǵy yntymaqtastyqtyń basym baǵyty – qaýipsizdik, al mundai sharalar osy negizgi qaǵidatqa keri áserin tigizedi.
"Rosatom" atom energetikasy salasyndaǵy sózsiz álemdik kóshbasshy bolyp tabylady jáne jekelegen memleketterdiń birjaqty ári legitimdi emes sheshimderi bul mártebege nuqsan keltire almaidy. Memlekettik korporatsiia sheteldegi barlyq jobalary boiynsha mindettemelerin oryndaýdy jalǵastyrýda: biz shetelde atom elektr stantsiialaryn salý boiynsha álemde birinshi oryndamyz, naryqtaǵy úlesimiz – 90%. Sondai-aq iadrolyq otyn ónimderi naryǵynyń negizgi qatysýshysymyz. Biz seriktestermen birlesip iadrolyq meditsina jáne basqa da joǵary tehnologiialyq salalarda jobalardy iske asyrýdamyz, 60-tan astam elmen yntymaqtastyq ornatqanbyz jáne olar úshin senimdi áriptes bolyp qala beremiz", - deidi kompaniia ókilderi.
Eske salaiyq,Qazaqstandaǵy AES jobasyna jaýapty «Rosatom» bólimshelerine sanktsiia salynǵan bolatyn.
Ulybritaniia Reseidiń memlekettik «Rosatom» kontserniniń azamattyq baǵyttaǵy úsh enshiles kompaniiasyna atom salasyndaǵy halyqaralyq jobalar portfelin keńeitýge qatysy bar degen sebeppen sanktsiia engizdi.
