2026 jyldyń qańtarynda qazaqstandyqtar turǵyn úi jaǵdaiyn jaqsartý úshin zeinetaqy jinaǵynan 38,6 myń ótinim rásimdegen, dep habarlaidy Dalanews.kz.
Nege.Aqsha málimetinshe, bul – 2024 jyldyń maýsymynan bergi eń tómen kórsetkish. Bir jylda ótinimder sany shamamen úshten birge azaisa, jeltoqsanmen salystyrǵanda 90%-ǵa jýyq tómendedi. Jeltoqsandaǵy ósim azamattardyń 2026 jyldan bastap jetkiliktilik shegi ósetinin estip, qarajatty aldyn ala paidalanýǵa asyqqanymen túsindiriledi.
Qańtarda turǵyn úige 50,9 mlrd teńge baǵyttaldy. Bul jeltoqsannan 77%-ǵa az bolǵanymen, byltyr qańtar aiynan 5%-ǵa kóp, iaǵni jalpy soma kúrt tómendemedi.
Belsendiliktiń báseńdeýine Otbasy bankiniń jańa erejesi de áser etti. Endi zeinetaqy qarajaty ipotekany merziminen buryn óteýde tek negizgi qaryzdy jabýǵa jumsalady, paiyzdardy tóleýge qoldanylmaidy. Emdelýge arnalǵan tólemder de azaiyp, qańtarda nebári 600 ótinim (600 mln teńge) oryndaldy.
