Almaty oblysynyń Qarasai ákimshilik quqyqbuzýshylyqtar jónindegi mamandandyrylǵan aýdanaralyq sotynda Qytai Halyq Respýblikasynyń 24 azamatyna qatysty ákimshilik quqyqbuzýshylyq týraly is qaraldy, dep habarlaidy Dalanews.kz.
Sotta anyqtalǵandai, sheteldikter Qazaqstan aýmaǵyna kirip, ýákiletti organnan eńbek qyzmetin iske asyrýǵa ruqsatty almastan Almaty oblysynda ornalasqan kirpish zaýytynda kirpish shyǵarý jumystaryn zańsyz jasap júrgen.
Sheteldikter zańdy bilmegendikten, atalǵan jumysqa ruqsat qaǵazyn almaǵandaryn aitqan.
"26-27 tamyz aralyǵynda sot qaýlysymen Qytai Halyq Respýblikasynyń 24 azamaty Qazaqstan Respýblikasynyń ákimshilik quqyqbuzýshylyq týraly kodeksiniń 517-babynyń 5-bóligimen kináli dep tanylyp, olardyń bundai quqyqbuzýshylyqty birinshi ret jasaǵany jáne jasaǵan isterine ókingenderi eskerilip, ár quqyqbuzýshyǵa ákimshilik jaza retinde 25 ailyq eseptik kórsetkish, iaǵni 92myń 300 teńge aiyppul salyndy", – delingen sot habarlamasynda.
Sot qaýlysy zańdy kúshine engen joq.
