QMA Qyrǵyzstanǵa AI-92 markaly benzinin zańsyz shyǵarýmen ainalysqan qylmystyq toptyń qyzmetin toqtatty, dep habarlaidy Dalanews.kz.
Qarjylyq monitoring agenttigi qylmystyq toptyń qyzmetin áshkereledi. Olar AI-92 markaly benzinin Qyrǵyz Respýblikasyna zańsyz shyǵaryp, satyp otyrǵan.
Tergeý barysynda kúdiktilerdiń Qazaqstan aýmaǵynda benzindi eritkish jáne distilliat retinde rásimdep, jalǵan qujattar arqyly shekaradan zańsyz ótkizgeni anyqtaldy.
Jedel izdestirý is-sharalary barysynda «Túrksib» stantsiiasynda zańsyz jolmen jóneltilgen 500 tonnaǵa jýyq benzin tielgen 8 temirjol tsisternasy ustaldy. Júk «Qara Mai Oil» shaǵyn munai óńdeý zaýytynan jóneltilgen jáne Qyrǵyzstanǵa baǵyttalǵan.
Tergeý málimetterine sáikes, 2023-2024 jyldary atalǵan shaǵyn zaýyttan 102 myń tonnadan astam munai ónimderi kórshi memleketke eksporttalǵan.
Aldyn ala esep boiynsha, qylmystyq toptyń kóleńkeli ainalymy sońǵy eki jylda 15,5 mlrd teńgeden asyp tústi.
Atalǵan is boiynsha úsh kúdiktige memleketaralyq izdeý jariialandy:
Popov Aleksei Aleksandrovich, 27.04.1987 jyly týǵan, Qazaqstan Respýblikasynyń azamaty, Jambyl oblysy, Taraz qalasynyń týmasy, buryn sottalmaǵan;
Ibraimov Rahymjan Mamatuly, 29.01.1996 jyly týǵan, Qazaqstan Respýblikasynyń azamaty, Ózbekstan Respýblikasynyń Chartak qalasynyń týmasy, buryn sottalmaǵan;
Saǵyndyqov Serik Erlanuly, 29.07.1987 jyly týǵan, Qazaqstan Respýblikasynyń azamaty, Jambyl oblysynyń týmasy, buryn sottalmaǵan;
Olarǵa «kamaqqa alý» túrindegi bultartpaý sharasy tańdaldy.
