Daniiar Shárip Sý resýrstary jáne irrigatsiia ministrliginiń Sý diplomatiiasy departamentiniń direktory bolyp taǵaiyndaldy, dep habarlaidy dalanews.kz.
Sý resýrstary jáne irrigatsiia ministrliginde Sý diplomatiiasy departamenti quryldy. Jańa departamenttiń direktory bolyp Shárip Daniiar Esenuly taǵaiyndaldy.
Jańa qurylymdyq bólimshe Qazaqstannyń sý diplomatiiasy salasyndaǵy jumysyn júieli ári dáiekti túrde júrgizýdi qamtamasyz etýge baǵyttalǵan. Departament transshekaralyq sý nysandary boiynsha turaqty jumys isteitin memleketaralyq komissiialardaǵy elimizdiń qyzmetin úilestirip, seriktes memlekettermen júrgiziletin kelissózderdi súiemeldeidi. Sonymen qatar, sý salasyndaǵy memleketaralyq kelisimderdi ázirleý jáne iske asyrý jumystarymen ainalysady.
Daniiar Esenuly Shárip 1992 jyly Almaty oblysynda dúniege kelgen. ál-Farabi atyndaǵy Qazaq ulttyq ýniversitetin Gidrologiia mamandyǵy boiynsha, sondai-aq, Kaspii qoǵamdyq ýniversitetin Quqyqtaný mamandyǵy boiynsha támamdaǵan.
Eńbek jolyn 2015 jyly Aýyl sharýashylyǵy ministrliginde bastaǵan. Keiin birneshe ministrlikte túrli qyzmet atqarǵan.
