Qazaqstanda ul balalardy APV-ǵa qarsy vaktsinatsiialaý kelesi jyly bastalýy múmkin, dep habarlaidy Dalanews.kz.
Densaýlyq saqtaý vitse-ministri Timýr Sultanǵaziev ul balalarǵa adam papilloma virýsyna (APV) qarsy vaktsina salý máselesine qatysty pikir bildirdi. Bul suraq Senat dálizinde kóterildi.
"Biz byltyr qyz balalarǵa APV-ǵa qarsy vaktsinatsiialaýdy bastadyq. Sebebi bul virýs bolashaqta jatyr moiny obyry sekildi aýyr onkologiialyq aýrýlarǵa sebep bolýy múmkin. Al ul balalarǵa qatysty vaktsinatsiiany engizý máselesi qazir Úkimet deńgeiinde qaralyp jatyr. Aldyn ala boljam boiynsha shamamen bir jyldan keiin bul jumysty bastaýymyz múmkin", – dedi vitse-ministr.
Aita keteiik, buǵan deiin Májilis depýtaty Ashat Aimaǵambetov Qazaqstanda ul balalardy da APV-ǵa qarsy vaktsinalaý qajet ekenin aitqan bolatyn.
