Kóp jylǵy ǵylymı izdenisterdiń nátıjesinde XV ǵasyrdan beri memlekettigimizdi rastaıtyn 300 tarıhı karta ǵylymı aınalymǵa engizildi jáne «Qazaqstannyń tarıh tolqynyndaǵy úzdiksiz memlekettiligi. XVI-XIX ǵasyrlardaǵy eýropalyq jáne amerıkandyq kartalardaǵy Qazaq memleketi. Atlas» atty kitap 2021 jyldyń sońynda Brússelde qazaq, aǵylshyn jáne orys tilderinde jaryq kórdi.
Onda 130 sırek kezdesetin ortaǵasyrlyq kartalardyń (1562-1879 jj.) hronologıalyq tártippen sıpattalǵan, saralanǵan, júıelengen, aýdarylǵan, tolyq derekteri men ǵylymı-tehnıkalyq parametrleri berilgen. Sondaı-aq Memleket basshysy Qasym-Jomart Kemeluly Toqaev joǵary baǵalaǵan avtorlyq sıpattamalar men komentarııler de bar.
Atalǵan eńbektiń Táýelsizdik jaǵdaıynda qoǵam rýhanıatyn jańǵyrtýdyń, onyń ulttyq sanasy men ulttyq maqtanyshynyń, tarıhı jadynyń ósýiniń, Otannyń obektıvti jáne shynaıy tarıhyn qalpyna keltirýdiń belsendi úderisi júrip jatqan kezde Jańa Qazaqstan qurý úshin mańyzy zor.
Akademıa qonaǵy №2 fakúltet tyńdaýshylaryna leksıa oqý barysynda Qazaq memleketiniń tarıhı tájirıbesine taldaý jasaı otyryp, ulttyq qaýipsizdikti qamtamasyz etý jáne qazirgi geosaıası prosesterge ǵylymı turǵydan baǵa berý máselelerine erekshe nazar aýdardy.
