2025 jyldyń shildesinde engizilgen dárilik zattardy tańbalaý júiesi elde birqatar zańbuzýshylyqty áshkereledi. Bul týraly Densaýlyq saqtaý ministrligi málimdedi, dep habarlaidy Dalanews.kz.
Atap aitqanda, júie tegin meditsinalyq kómektiń kepildendirilgen kólemi (TMKKK) aiasynda halyqqa tegin taratylýy tiis dárilerdiń kommertsiialyq naryqta satylǵanyn, tańbalaý kodtarynyń qaita qoldanylǵanyn jáne jaramdylyq merzimi ótip ketken preparattardyń saýdaǵa shyǵarylǵanyn anyqtaǵan.
Taýarlardy tańbalaý jáne qadaǵalaý jónindegi biryńǵai operatordyń málimetinshe, memleket qarjysyna satyp alynyp, halyqqa tegin berilýi tiis 15 myńnan astam dári-dármek birligi satylǵany tirkelgen. Sondai-aq 6,5 myńnan astam tańbalaý kody qaita paidalanylyp, jalpy sany 385 myńnan asa zańbuzýshylyq faktisi anyqtaldy. Budan bólek, jaramdylyq merzimi ótip ketken 750-den astam dári qaptamasynyń satylǵany belgili boldy.
Vedomstvonyń habarlaýynsha, ministr vitse-ministrler men qurylymdyq bólimshelerge dári ainalymyn tolyq tártipke keltirý úshin tańbalaý jáne qadaǵalaý júiesiniń analitikalyq platformasyn kúndelikti jumysta qoldanýdy tapsyrdy. Sonymen qatar biýdjet qarajatynyń tiimdi jumsalýyn qamtamasyz etý úshin dárilerdiń maqsatsyz paidalanylýyn qatań baqylaý mindetteldi.
