2025 جىلدىڭ شٸلدەسٸندە ەنگٸزٸلگەن دەرٸلٸك زاتتاردى تاڭبالاۋ جٷيەسٸ ەلدە بٸرقاتار زاڭبۇزۋشىلىقتى ەشكەرەلەدٸ. بۇل تۋرالى دەنساۋلىق ساقتاۋ مينيسترلٸگٸ مەلٸمدەدٸ, دەپ حابارلايدى Dalanews.kz.
اتاپ ايتقاندا, جٷيە تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ (تمككك) اياسىندا حالىققا تەگٸن تاراتىلۋى تيٸس دەرٸلەردٸڭ كوممەرتسييالىق نارىقتا ساتىلعانىن, تاڭبالاۋ كودتارىنىڭ قايتا قولدانىلعانىن جەنە جارامدىلىق مەرزٸمٸ ٶتٸپ كەتكەن پرەپاراتتاردىڭ ساۋداعا شىعارىلعانىن انىقتاعان.
تاۋارلاردى تاڭبالاۋ جەنە قاداعالاۋ جٶنٸندەگٸ بٸرىڭعاي وپەراتوردىڭ مەلٸمەتٸنشە, مەملەكەت قارجىسىنا ساتىپ الىنىپ, حالىققا تەگٸن بەرٸلۋٸ تيٸس 15 مىڭنان استام دەرٸ-دەرمەك بٸرلٸگٸ ساتىلعانى تٸركەلگەن. سونداي-اق 6,5 مىڭنان استام تاڭبالاۋ كودى قايتا پايدالانىلىپ, جالپى سانى 385 مىڭنان اسا زاڭبۇزۋشىلىق فاكتٸسٸ انىقتالدى. بۇدان بٶلەك, جارامدىلىق مەرزٸمٸ ٶتٸپ كەتكەن 750-دەن استام دەرٸ قاپتاماسىنىڭ ساتىلعانى بەلگٸلٸ بولدى.
ۆەدومستۆونىڭ حابارلاۋىنشا, مينيستر ۆيتسە-مينيسترلەر مەن قۇرىلىمدىق بٶلٸمشەلەرگە دەرٸ اينالىمىن تولىق تەرتٸپكە كەلتٸرۋ ٷشٸن تاڭبالاۋ جەنە قاداعالاۋ جٷيەسٸنٸڭ اناليتيكالىق پلاتفورماسىن كٷندەلٸكتٸ جۇمىستا قولدانۋدى تاپسىردى. سونىمەن قاتار بيۋدجەت قاراجاتىنىڭ تيٸمدٸ جۇمسالۋىن قامتاماسىز ەتۋ ٷشٸن دەرٸلەردٸڭ ماقساتسىز پايدالانىلۋىن قاتاڭ باقىلاۋ مٸندەتتەلدٸ.
